헬라어 문장 검색 - ΧενοπήΜεμοραβ́1́07́

(크세노폰, Memorabilia, Ἀπομνημονευμάτων Α, chapter 7)

ἐπισκεψώμεθα δὲ εἰ καὶ ἀλαζονείασ ἀποτρέπων τοὺσ συνόντασ ἀρετῆσ ἐπιμελεῖσθαι προέτρεπεν· ἀεὶ γὰρ ἔλεγεν ὡσ οὐκ εἰή καλλίων ὁδὸσ ἐπ’ εὐδοξίαν ἢ δι’ ἧσ ἄν τισ ἀγαθὸσ τοῦτο γένοιτο, <ὃ> καὶ δοκεῖν βούλοιτο. ὅτι δ’ ἀληθῆ ἔλεγεν, ὧδ’ ἐδίδασκεν· ἐνθυμώμεθα γάρ, ἔφη, εἴ τισ μὴ ὢν ἀγαθὸσ αὐλητὴσ δοκεῖν βούλοιτο, τί ἂν αὐτῷ ποιητέον εἰή.

ἆρ’ οὐ τὰ ἔξω τῆσ τέχνησ μιμητέον τοὺσ ἀγαθοὺσ αὐλητάσ; καὶ πρῶτον μέν, ὅτι ἐκεῖνοι σκεύη τε καλὰ κέκτηνται καὶ ἀκολούθουσ πολλοὺσ περιάγονται, καὶ τούτῳ ταῦτα ποιητέον· ἔπειτα, ὅτι ἐκείνουσ πολλοὶ ἐπαινοῦσι, καὶ τούτῳ πολλοὺσ ἐπαινέτασ παρασκευαστέον. ἀλλὰ μὴν ἔργον γε οὐδαμοῦ ληπτέον, ἢ εὐθὺσ ἐλεγχθήσεται γελοῖοσ ὢν καὶ οὐ μόνον αὐλητὴσ κακόσ, ἀλλὰ καὶ ἄνθρωποσ ἀλαζών. καίτοι πολλὰ μὲν δαπανῶν, μηδὲν δ’ ὠφελούμενοσ, πρὸσ δὲ τούτοισ κακοδοξῶν, πῶσ οὐκ ἐπιπόνωσ τε καὶ ἀλυσιτελῶσ καὶ καταγελάστωσ βιώσεται; ὣσ δ’ αὔτωσ εἴ τισ βούλοιτο στρατηγὸσ ἀγαθὸσ μὴ ὢν φαίνεσθαι ἢ κυβερνήτησ, ἐννοῶμεν τί ἂν αὐτῷ συμβαίνοι.

ἆρ’ οὐκ ἄν, εἰ μὲν ἐπιθυμῶν τοῦ δοκεῖν ἱκανὸσ εἶναι ταῦτα πράττειν μὴ δύναιτο πείθειν, τοῦτ’ εἰή λυπηρόν, εἰ δὲ πείσειεν, ἔτι ἀθλιώτερον; δῆλον γὰρ ὅτι κυβερνᾶν κατασταθεὶσ ὁ μὴ ἐπιστάμενοσ ἢ στρατηγεῖν ἀπολέσειεν ἂν οὓσ ἥκιστα βούλοιτο καὶ αὐτὸσ αἰσχρῶσ ἂν καὶ κακῶσ ἀπαλλάξειεν. ὡσαύτωσ δὲ καὶ τὸ πλούσιον καὶ τὸ ἀνδρεῖον καὶ τὸ ἰσχυρὸν μὴ ὄντα δοκεῖν ἀλυσιτελὲσ ἀπέφαινε·

προστάττεσθαι γὰρ αὐτοῖσ ἔφη μείζω ἢ κατὰ δύναμιν, καὶ μὴ δυναμένουσ ταῦτα ποιεῖν, δοκοῦντασ ἱκανοὺσ εἶναι, συγγνώμησ οὐκ ἂν τυγχάνειν. ἀπατεῶνα δ’ ἐκάλει οὐ μικρὸν μὲν οὐδ’ εἴ τισ ἀργύριον ἢ σκεῦοσ παρά του πειθοῖ λαβὼν ἀποστεροίη, πολὺ δὲ μέγιστον ὅστισ μηδενὸσ ἄξιοσ ὢν ἐξηπατήκοι πείθων ὡσ ἱκανὸσ εἰή τῆσ πόλεωσ ἡγεῖσθαι.

ἐμοὶ μὲν οὖν ἐδόκει καὶ τοῦ ἀλαζονεύεσθαι ἀποτρέπειν τοὺσ συνόντασ τοιάδε διαλεγόμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Memorabilia, Ἀπομνημονευμάτων Α, chapter 7

(크세노폰, Memorabilia, Ἀπομνημονευμάτων Α, chapter 7)

상위

목록

SEARCH

MENU NAVIGATION