Xenophon, Hellenica, Ἑλληνικῶν, chapter 1 14:

εἰ δὲ εἰκότα λογίζομαι, σκόπει, ἔφη, καὶ ταῦτα. ἔχοντεσ μέν γε Μακεδονίαν, ἔνθεν καὶ Ἀθηναῖοι τὰ ξύλα ἄγονται, πολὺ δήπου πλείουσ ἐκείνων ἱκανοὶ ἐσόμεθα ναῦσ ποιήσασθαι. ἀνδρῶν γε μὴν ταύτασ πληροῦν πότερον Ἀθηναίουσ ἢ ἡμᾶσ εἰκὸσ μᾶλλον δύνασθαι, τοσούτουσ καὶ τοιούτουσ ἔχοντασ πενέστασ; τούσ γε μὴν ναύτασ τρέφειν πότερον ἡμᾶσ ἱκανωτέρουσ εἰκὸσ εἶναι τοὺσ δι’ ἀφθονίαν καὶ ἄλλοσε σῖτον ἐκπέμποντασ ἢ Ἀθηναίουσ τοὺσ μηδ’ αὑτοῖσ ἱκανὸν ἔχοντασ, ἂν μὴ πρίωνται;