헬라어 문장 검색 - ΧενοπήΗελλενί6́2́

(크세노폰, Hellenica, Ἑλληνικῶν, chapter 2)

οἱ μὲν γὰρ Λακεδαιμόνιοι καὶ οἱ σύμμαχοι συνελέγοντο εἰσ τοὺσ Φωκέασ, οἱ δὲ Θηβαῖοι ἀναχωρήσαντεσ εἰσ τὴν ἑαυτῶν ἐφύλαττον τὰσ εἰσβολάσ. οἱ δ’ Ἀθηναῖοι, αὐξανομένουσ μὲν ὁρῶντεσ διὰ σφᾶσ τοὺσ Θηβαίουσ, χρήματά τε οὐ συμβαλλομένουσ εἰσ τὸ ναυτικόν, αὐτοὶ δὲ ἀποκναιόμενοι καὶ χρημάτων εἰσφοραῖσ καὶ λῃστείαισ ἐξ Αἰγίνησ καὶ φυλακαῖσ τῆσ χώρασ, ἐπεθύμησαν παύσασθαι τοῦ πολέμου, καὶ πέμψαντεσ πρέσβεισ εἰσ Λακεδαίμονα εἰρήνην ἐποιήσαντο. εὐθὺσ δ’ ἐκεῖθεν δύο τῶν πρέσβεων πλεύσαντεσ κατὰ δόγμα τῆσ πόλεωσ εἶπον τῷ Τιμοθέῳ ἀποπλεῖν οἴκαδε ὡσ εἰρήνησ οὔσησ·

ὁ δ’ ἅμα ἀποπλέων τοὺσ τῶν Ζακυνθίων φυγάδασ ἀπεβίβασεν εἰσ τὴν χώραν αὐτῶν. ἐπεὶ δὲ οἱ ἐκ τῆσ πόλεωσ Ζακύνθιοι πέμψαντεσ πρὸσ τοὺσ Λακεδαιμονίουσ ἔλεγον οἱᾶ πεπονθότεσ εἰε͂ν ὑπὸ τοῦ Τιμοθέου, εὐθὺσ οἱ Λακεδαιμόνιοι ἀδικεῖν τε ἡγοῦντο τοὺσ Ἀθηναίουσ καὶ ναυτικὸν πάλιν κατεσκεύαζον καὶ συνετάττοντο εἰσ ἑξήκοντα ναῦσ ἀπ’ αὐτῆσ τε τῆσ Λακεδαίμονοσ καὶ Κορίνθου καὶ Λευκάδοσ καὶ Ἀμβρακίασ καὶ Ἤλιδοσ καὶ Ζακύνθου καὶ Ἀχαί̈ασ καὶ Ἐπιδαύρου καὶ Τροιζῆνοσ καὶ Ἑρμιόνοσ καὶ Ἁλιῶν.

ἐπιστήσαντεσ δὲ ναύαρχον Μνάσιππον ἐκέλευον τῶν τε ἄλλων ἐπιμελεῖσθαι τῶν κατ’ ἐκείνην τὴν θάλατταν καὶ στρατεύειν ἐπὶ Κέρκυραν.

ἔπεμψαν δὲ καὶ πρὸσ Διονύσιον διδάσκοντεσ ὡσ καὶ ἐκείνῳ χρήσιμον εἰή τὴν Κέρκυραν μὴ ὑπ’ Ἀθηναίοισ εἶναι. καὶ ὁ μὲν δὴ Μνάσιπποσ, ἐπεὶ συνελέγη αὐτῷ τὸ ναυτικόν, ἔπλευσεν εἰσ τὴν Κέρκυραν·

εἶχε δὲ καὶ μισθοφόρουσ σὺν τοῖσ ἐκ Λακεδαίμονοσ μετ’ αὐτοῦ στρατευομένοισ οὐκ ἐλάττουσ χιλίων καὶ πεντακοσίων. ἐπεὶ δὲ ἀπέβη, ἐκράτει τε τῆσ γῆσ καὶ ἐδῄου ἐξειργασμένην μὲν παγκάλωσ καὶ πεφυτευμένην τὴν χώραν, μεγαλοπρεπεῖσ δὲ οἰκήσεισ καὶ οἰνῶνασ κατεσκευασμένουσ ἐπὶ τῶν ἀγρῶν·

ὥστ’ ἔφασαν τοὺσ στρατιώτασ εἰσ τοῦτο τρυφῆσ ἐλθεῖν ὥστ’ οὐκ ἐθέλειν πίνειν, εἰ μὴ ἀνθοσμίασ εἰή. καὶ ἀνδράποδα δὲ καὶ βοσκήματα πάμπολλα ἡλίσκετο ἐκ τῶν ἀγρῶν. ἔπειτα δὲ κατεστρατοπεδεύσατο τῷ μὲν πεζῷ ἐπὶ λόφῳ ἀπέχοντι τῆσ πόλεωσ ὡσ πέντε στάδια, πρὸ τῆσ χώρασ ὄντι, ὅπωσ ἀποτέμνοιτο ἐντεῦθεν, εἴ τισ ἐπὶ τὴν χώραν τῶν Κερκυραίων ἐξίοι·

τὸ δὲ ναυτικὸν εἰσ τἀπὶ θάτερα τῆσ πόλεωσ κατεστρατοπέδευσεν, ἔνθεν ᾤετ’ ἂν τὰ προσπλέοντα καὶ προαισθάνεσθαι καὶ διακωλύειν. πρὸσ δὲ τούτοισ καὶ ἐπὶ τῷ λιμένι, ὁπότε μὴ χειμὼν κωλύοι, ἐφώρμει. ἐπολιόρκει μὲν δὴ οὕτω τὴν πόλιν.

ἐπεὶ δὲ οἱ Κερκυραῖοι ἐκ μὲν τῆσ γῆσ οὐδὲν ἐλάμβανον διὰ τὸ κρατεῖσθαι κατὰ γῆν, κατὰ θάλατταν δὲ οὐδὲν εἰσήγετο αὐτοῖσ διὰ τὸ ναυκρατεῖσθαι, ἐν πολλῇ ἀπορίᾳ ἦσαν· καὶ πέμποντεσ πρὸσ τοὺσ Ἀθηναίουσ βοηθεῖν τε ἐδέοντο καὶ ἐδίδασκον ὡσ μέγα μὲν ἀγαθὸν ἀποβάλοιεν ἄν, εἰ Κερκύρασ στερηθεῖεν, τοῖσ δὲ πολεμίοισ μεγάλην ἂν ἰσχὺν προσβάλοιεν·

ἐξ οὐδεμιᾶσ γὰρ πόλεωσ πλήν γε Ἀθηνῶν οὔτε ναῦσ οὔτε χρήματα πλείω ἂν γενέσθαι. ἔτι δὲ κεῖσθαι τὴν Κέρκυραν ἐν καλῷ μὲν τοῦ Κορινθιακοῦ κόλπου καὶ τῶν πόλεων αἳ ἐπὶ τοῦτον καθήκουσιν, ἐν καλῷ δὲ τοῦ τὴν Λακωνικὴν χώραν βλάπτειν, ἐν καλλίστῳ δὲ τῆσ τε ἀντιπέρασ Ἠπείρου καὶ τοῦ εἰσ Πελοπόννησον ἀπὸ Σικελίασ παράπλου. ἀκούσαντεσ δὲ ταῦτα οἱ Ἀθηναῖοι ἐνόμισαν ἰσχυρῶσ ἐπιμελητέον εἶναι, καὶ στρατηγὸν πέμπουσι Κτησικλέα εἰσ ἑξακοσίουσ ἔχοντα πελταστάσ, Ἀλκέτου δὲ ἐδεήθησαν συνδιαβιβάσαι τούτουσ.

καὶ οὗτοι μὲν νυκτὸσ διακομισθέντεσ που τῆσ χώρασ εἰσῆλθον εἰσ τὴν πόλιν.

ἐψηφίσαντο δὲ καὶ ἑξήκοντα ναῦσ πληροῦν, Τιμόθεον δ’ αὐτῶν στρατηγὸν ἐχειροτόνησαν. ὁ δ’ οὐ δυνάμενοσ αὐτόθεν τὰσ ναῦσ πληρῶσαι, ἐπὶ νήσων πλεύσασ ἐκεῖθεν ἐπειρᾶτο συμπληροῦν, οὐ φαῦλον ἡγούμενοσ εἶναι ἐπὶ συγκεκροτημένασ ναῦσ εἰκῇ περιπλεῦσαι.

οἱ δ’ Ἀθηναῖοι νομίζοντεσ αὐτὸν ἀναλοῦν τὸν τῆσ ὡρ́ασ εἰσ τὸν περίπλουν χρόνον, συγγνώμην οὐκ ἔσχον αὐτῷ, ἀλλὰ παύσαντεσ αὐτὸν τῆσ στρατηγίασ Ἰφικράτην ἀνθαιροῦνται.

ὁ δ’ ἐπεὶ κατέστη στρατηγόσ, μάλα ὀξέωσ τὰσ ναῦσ ἐπληροῦτο καὶ τοὺσ τριηράρχουσ ἠνάγκαζε.

προσέλαβε δὲ παρὰ τῶν Ἀθηναίων καὶ εἴ πού τισ ναῦσ περὶ τὴν Ἀττικὴν ἔπλει καὶ τὴν Πάραλον καὶ τὴν Σαλαμινίαν, λέγων ὡσ ἐὰν τἀκεῖ καλῶσ γένηται, πολλὰσ αὐτοῖσ ναῦσ ἀποπέμψοι. καὶ ἐγένοντο αὐτῷ αἱ ἅπασαι περὶ ἑβδομήκοντα. ἐν δὲ τούτῳ τῷ χρόνῳ οἱ Κερκυραῖοι οὕτω σφόδρα ἐπείνων ὥστε διὰ τὸ πλῆθοσ τῶν αὐτομολούντων ἐκήρυξεν ὁ Μνάσιπποσ πεπρᾶσθαι ὅστισ αὐτομολοίη.

ἐπεὶ δὲ οὐδὲν ἧττον ηὐτομόλουν, τελευτῶν καὶ μαστιγῶν ἀπέπεμπεν. οἱ μέντοι ἔνδοθεν τούσ γε δούλουσ οὐκ ἐδέχοντο πάλιν εἰσ τὸ τεῖχοσ, ἀλλὰ πολλοὶ ἔξω ἀπέθνῃσκον. ὁ δ’ αὖ Μνάσιπποσ ὁρῶν ταῦτα, ἐνόμιζέ τε ὅσον οὐκ ἤδη ἔχειν τὴν πόλιν καὶ περὶ τοὺσ μισθοφόρουσ ἐκαινούργει, καὶ τοὺσ μέν τινασ αὐτῶν ἀπομίσθουσ ἐπεποιήκει, τοῖσ δὲ <μέν>ουσι καὶ δυοῖν ἤδη μηνοῖν ὤφειλε τὸν μισθόν, οὐκ ἀπορῶν, ὡσ ἐλέγετο, χρημάτων·

καὶ γὰρ τῶν πόλεων αἱ πολλαὶ αὐτῷ ἀργύριον ἀντὶ τῶν ἀνδρῶν ἔπεμπον, ἅτε καὶ διαποντίου τῆσ στρατείασ οὔσησ. κατιδόντεσ δὲ ἀπὸ τῶν πύργων οἱ ἐκ τῆσ πόλεωσ τάσ τε φυλακὰσ χεῖρον ἢ πρόσθεν φυλαττομένασ ἐσπαρμένουσ τε κατὰ τὴν χώραν τοὺσ ἀνθρώπουσ, ἐπεκδραμόντεσ τοὺσ μέν τινασ αὐτῶν ἔλαβον, τοὺσ δὲ κατέκοψαν.

αἰσθόμενοσ δὲ ὁ Μνάσιπποσ, αὐτόσ τε ἐξωπλίζετο καὶ ὅσουσ εἶχεν ὁπλίτασ ἅπασιν ἐβοήθει, καὶ τοὺσ λοχαγοὺσ καὶ τοὺσ ταξιάρχουσ ἐξάγειν ἐκέλευε τοὺσ μισθοφόρουσ.

ἀποκριναμένων δέ τινων λοχαγῶν ὅτι οὐ ῥᾴδιον εἰή μὴ διδόντασ τἀπιτήδεια πειθομένουσ παρέχειν, τὸν μέν τινα βακτηρίᾳ, τὸν δὲ τῷ στύρακι ἐπάταξεν.

οὕτω μὲν δὴ ἀθύμωσ ἔχοντεσ καὶ μισοῦντεσ αὐτὸν συνεξῆλθον πάντεσ· ὅπερ ἥκιστα εἰσ μάχην συμφέρει. ὁ δ’ ἐπεὶ παρετάξατο, αὐτὸσ μὲν τοὺσ κατὰ τὰσ πύλασ τῶν πολεμίων τρεψάμενοσ ἐπεδίωκεν.

οἱ δ’ ἐπεὶ ἐγγὺσ τοῦ τείχουσ ἐγένοντο, ἀνεστρέφοντό τε καὶ ἀπὸ τῶν μνημάτων ἔβαλλον καὶ ἠκόντιζον· ἄλλοι δ’ ἐκδραμόντεσ καθ’ ἑτέρασ πύλασ ἐπιτίθενται ἁθρόοι τοῖσ ἐσχάτοισ· οἱ δ’ ἐπ’ ὀκτὼ τεταγμένοι, ἀσθενὲσ νομίσαντεσ τὸ ἄκρον τῆσ φάλαγγοσ ἔχειν, ἀναστρέφειν ἐπειρῶντο.

ὡσ δ’ ἤρξαντο ἐπαναχωρεῖν, οἱ μὲν πολέμιοι ὡσ φεύγουσιν ἐπέθεντο, οἱ δ’ οὐκέτι ἐπανέστρεψαν· καὶ οἱ ἐχόμενοι δ’ αὐτῶν εἰσ φυγὴν ὡρ́μων. ὁ δὲ Μνάσιπποσ τοῖσ μὲν πιεζομένοισ οὐκ ἐδύνατο βοηθεῖν διὰ τοὺσ ἐκ τοῦ καταντικρὺ προσκειμένουσ, ἀεὶ δ’ ἐλείπετο σὺν ἐλάττοσι.

τέλοσ δὲ οἱ πολέμιοι ἁθρόοι γενόμενοι πάντεσ ἐπετίθεντο τοῖσ περὶ τὸν Μνάσιππον, ἤδη μάλα ὀλίγοισ οὖσι. καὶ οἱ πολῖται ὁρῶντεσ τὸ γιγνόμενον ἐπεξῇσαν. ἐπεὶ δ’ ἐκεῖνον ἀπέκτειναν, ἐδίωκον ἤδη ἅπαντεσ.

ἐκινδύνευσαν δ’ ἂν καὶ τὸ στρατόπεδον ἑλεῖν σὺν τῷ χαρακώματι, εἰ μὴ οἱ διώκοντεσ τὸν ἀγοραῖόν τε ὄχλον ἰδόντεσ καὶ τὸν τῶν θεραπόντων καὶ τὸν τῶν ἀνδραπόδων, οἰηθέντεσ ὄφελόσ τι αὐτῶν εἶναι, ἀπεστρέφοντο. καὶ τότε μὲν τροπαῖόν τε ἵστασαν οἱ Κερκυραῖοι τούσ τε νεκροὺσ ὑποσπόνδουσ ἀπεδίδοσαν.

ἐκ δὲ τούτου οἱ μὲν ἐν τῇ πόλει ἐρρωμενέστεροι ἐγεγένηντο, οἱ δ’ ἔξω ἐν πάσῃ δὴ ἀθυμίᾳ ἦσαν. καὶ γὰρ ἐλέγετο ὅτι Ἰφικράτησ τε ὅσον οὐκ ἤδη παρείη, καὶ οἱ Κερκυραῖοι δὲ τῷ ὄντι ναῦσ ἐπλήρουν. Ὑπερμένησ δέ, ὃσ ἐτύγχανεν ἐπιστολιαφόροσ τῷ Μνασίππῳ ὤν, τό τε ναυτικὸν πᾶν ὅσον ἦν ἐκεῖ συνεπλήρωσε, καὶ περιπλεύσασ πρὸσ τὸ χαράκωμα τὰ πλοῖα πάντα γεμίσασ τῶν τε ἀνδραπόδων καὶ τῶν χρημάτων ἀπέστελλεν·

αὐτὸσ δὲ σύν τε τοῖσ ἐπιβάταισ καὶ τοῖσ περισωθεῖσι τῶν στρατιωτῶν διεφύλαττε τὸ χαράκωμα· τέλοσ δὲ καὶ οὗτοι μάλα τεταραγμένοι ἀναβάντεσ ἐπὶ τὰσ τριήρεισ ἀπέπλεον, πολὺν μὲν σῖτον, πολὺν δὲ οἶνον, πολλὰ δὲ ἀνδράποδα καὶ ἀσθενοῦντασ στρατιώτασ καταλιπόντεσ·

δεινῶσ γὰρ ἐπεφόβηντο μὴ καταληφθεῖεν ὑπὸ τῶν Ἀθηναίων ἐν τῇ νήσῳ. καὶ ἐκεῖνοι μὲν εἰσ Λευκάδα ἀπεσώθησαν. ὁ δὲ Ἰφικράτησ ἐπεὶ ἤρξατο τοῦ περίπλου, ἅμα μὲν ἔπλει, ἅμα δὲ πάντα ὅσα εἰσ ναυμαχίαν παρεσκευάζετο·

εὐθὺσ μὲν γὰρ τὰ μεγάλα ἱστία αὐτοῦ κατέλιπεν, ὡσ ἐπὶ ναυμαχίαν πλέων· καὶ τοῖσ ἀκατίοισ δέ, καὶ εἰ φορὸν πνεῦμα εἰή, ὀλίγα ἐχρῆτο· τῇ δὲ κώπῃ τὸν πλοῦν ποιούμενοσ ἄμεινόν τε τὰ σώματα ἔχειν τοὺσ ἄνδρασ καὶ ἄμεινον τὰσ ναῦσ πλεῖν ἐποίει. πολλάκισ δὲ καὶ ὅπῃ μέλλοι ἀριστοποιεῖσθαι τὸ στράτευμα ἢ δειπνοποιεῖσθαι, ἐπανήγαγεν ἂν τὸ κέρασ ἀπὸ τῆσ γῆσ κατὰ ταῦτα τὰ χωρία·

ἐπεὶ δ’ ἐπιστρέψασ ἂν καὶ ἀντιπρῴρουσ καταστήσασ τὰσ τριήρεισ ἀπὸ σημείου ἀφίει ἀνθαμιλλᾶσθαι εἰσ τὴν γῆν, μέγα δὴ νικητήριον ἦν τὸ πρώτουσ καὶ ὕδωρ λαβεῖν καὶ εἴ του ἄλλου ἐδέοντο, καὶ πρώτουσ ἀριστῆσαι· τοῖσ δ’ ὑστάτοισ ἀφικομένοισ μεγάλη ζημία ἦν τό τε ἐλαττοῦσθαι πᾶσι τούτοισ καὶ ὅτι ἀνάγεσθαι ἅμα ἔδει, ἐπεὶ σημήνειε· συνέβαινε γὰρ τοῖσ μὲν πρώτοισ ἀφικνουμένοισ καθ’ ἡσυχίαν ἅπαντα ποιεῖν, τοῖσ δὲ τελευταίοισ διὰ σπουδῆσ. φυλακάσ γε μήν, εἰ τύχοι ἐν τῇ πολεμίᾳ ἀριστοποιούμενοσ, τὰσ μὲν ἐν τῇ γῇ, ὥσπερ προσήκει, καθίστη, ἐν δὲ ταῖσ ναυσὶν αἰρόμενοσ αὖ τοὺσ ἱστοὺσ ἀπὸ τούτων ἐσκοπεῖτο.

πολὺ οὖν ἐπὶ πλέον οὗτοι καθεώρων ἢ οἱ ἐκ τοῦ ὁμαλοῦ, ἀφ’ ὑψηλοτέρου καθορῶντεσ. ὅπου δὲ δειπνοποιοῖτο καὶ καθεύδοι, ἐν μὲν τῷ στρατοπέδῳ νύκτωρ πῦρ οὐκ ἔκαε, πρὸ δὲ τοῦ στρατεύματοσ φῶσ ἐποίει, ἵνα μηδεὶσ λάθῃ προσιών. πολλάκισ δέ, εἰ εὐδία εἰή, εὐθὺσ δειπνήσασ ἀνήγετο· καὶ εἰ μὲν αὔρα φέροι, θέοντεσ ἅμα ἀνεπαύοντο· εἰ δὲ ἐλαύνειν δέοι, κατὰ μέροσ τοὺσ ναύτασ ἀνέπαυεν. ἐν δὲ τοῖσ μεθ’ ἡμέραν πλοῖσ ἀπὸ σημείων τοτὲ μὲν ἐπὶ κέρωσ ἦγε, τοτὲ δ’ ἐπὶ φάλαγγοσ·

ὥστε ἅμα μὲν ἔπλεον, ἅμα δὲ πάντα ὅσα εἰσ ναυμαχίαν καὶ ἠσκηκότεσ καὶ ἐπιστάμενοι εἰσ τὴν <ὑπὸ> τῶν πολεμίων, ὡσ ᾤοντο, κατεχομένην θάλατταν ἀφικνοῦντο. καὶ τὰ μὲν πολλὰ ἐν τῇ πολεμίᾳ καὶ ἠρίστων καὶ ἐδείπνουν· διὰ δὲ τὸ τἀναγκαῖα μόνον πράττειν καὶ τὰσ βοηθείασ ἔφθανεν ἀναγόμενοσ καὶ ταχὺ ἐπέραινε. περὶ δὲ τὸν Μνασίππου θάνατον ἐτύγχανεν ὢν τῆσ Λακωνικῆσ περὶ τὰσ Σφαγίασ.

εἰσ τὴν Ἠλείαν δὲ ἀφικόμενοσ καὶ παραπλεύσασ τὸ τοῦ Ἀλφειοῦ στόμα ὑπὸ τὸν Ἰχθῦν καλούμενον ὡρμίσατο. τῇ δ’ ὑστεραίᾳ ἐντεῦθεν ἀνήγετο ἐπὶ τῆσ Κεφαλληνίασ, οὕτω καὶ τεταγμένοσ καὶ τὸν πλοῦν ποιούμενοσ ὡσ, εἰ δέοι, πάντα ὅσα χρὴ παρεσκευασμένοσ ναυμαχοίη. καὶ γὰρ τὰ περὶ τοῦ Μνασίππου αὐτόπτου μὲν οὐδενὸσ ἠκηκόει, ὑπώπτευε δὲ μὴ ἀπάτησ ἕνεκα λέγοιτο, καὶ ἐφυλάττετο· ἐπεὶ μέντοι ἀφίκετο εἰσ τὴν Κεφαλληνίαν, ἐνταῦθα δὴ σαφῶσ ἐπύθετο, καὶ ἀνέπαυε τὸ στράτευμα. οἶδα μὲν οὖν ὅτι ταῦτα πάντα, ὅταν οἰώνται ναυμαχήσειν ἄνθρωποι, καὶ ἀσκεῖται καὶ μελετᾶται·

ἀλλὰ τοῦτο ἐπαινῶ, ὅτι ἐπεὶ ἀφικέσθαι ταχὺ ἔδει ἔνθα τοῖσ πολεμίοισ ναυμαχήσειν ᾤετο, ηὑρ́ετο ὅπωσ μήτε διὰ τὸν πλοῦν ἀνεπιστήμονασ εἶναι τῶν εἰσ ναυμαχίαν μήτε διὰ τὸ ταῦτα μελετᾶν βραδύτερόν τι ἀφικέσθαι. καταστρεψάμενοσ δὲ τὰσ ἐν τῇ Κεφαλληνίᾳ πόλεισ ἔπλευσεν εἰσ Κέρκυραν.

ἐκεῖ δὲ πρῶτον μὲν ἀκούσασ ὅτι προσπλέοιεν δέκα τριήρεισ παρὰ Διονυσίου, βοηθήσουσαι τοῖσ Λακεδαιμονίοισ, αὐτὸσ ἐλθὼν καὶ σκεψάμενοσ τῆσ χώρασ ὅθεν τούσ τε προσπλέοντασ δυνατὸν ἦν ὁρᾶν καὶ τοὺσ σημαίνοντασ εἰσ τὴν πόλιν καταφανεῖσ εἶναι, ἐνταῦθα κατέστησε τοὺσ σκοπούσ. κἀκείνοισ μὲν συνέθετο προσπλεόντων τε καὶ ὁρμούντων ὡσ δέοι σημαίνειν·

αὐτὸσ δὲ τῶν τριηράρχων προσέταξεν εἴκοσιν, οὓσ δεήσοι, ἐπεὶ κηρύξειεν, ἀκολουθεῖν· εἰ δέ τισ μὴ ἀκολουθήσοι, προεῖπε μὴ μέμψεσθαι τὴν δίκην. ἐπεὶ δ’ ἐσημάνθησαν προσπλέουσαι καὶ ἐκηρύχθη, ἀξία ἐγένετο θέασ ἡ σπουδή· οὐδεὶσ γὰρ ὅστισ οὐ δρόμῳ τῶν μελλόντων πλεῖν εἰσέβη εἰσ τὰσ ναῦσ. πλεύσασ δὲ ἔνθα ἦσαν αἱ πολέμιαι τριήρεισ, καταλαμβάνει ἀπὸ μὲν τῶν ἄλλων τριήρων εἰσ τὴν γῆν τοὺσ ἄνδρασ ἐκβεβηκότασ, Μελάνιπποσ μέντοι ὁ Ῥόδιοσ τοῖσ τε ἄλλοισ συνεβούλευε μὴ μένειν ἐνταῦθα καὶ αὐτὸσ πληρωσάμενοσ τὴν ναῦν ἐξέπλει.

ἐκεῖνοσ μὲν οὖν καίπερ ἀπαντῶν ταῖσ Ἰφικράτουσ ναυσὶν ὅμωσ ἀπέφυγεν· αἱ δὲ ἀπὸ Συρακουσῶν νῆεσ ἅπασαι ἑάλωσαν αὐτοῖσ ἀνδράσιν. ὁ μέντοι Ἰφικράτησ τὰσ μὲν τριήρεισ ἀκρωτηριασάμενοσ ἕλκων κατηγάγετο εἰσ τὸν τῶν Κερκυραίων λιμένα, τῶν δὲ ἀνδρῶν συνέβη ἑκάστῳ τακτὸν ἀργύριον ἀποτεῖσαι, πλὴν Κρινίππου τοῦ ἄρχοντοσ·

τοῦτον δ’ ἐφύλαττεν, ὡσ ἢ πραξόμενοσ πάμπολλα χρήματα ἢ ὡσ πωλήσων. κἀκεῖνοσ μὲν ὑπὸ λύπησ αὐθαιρέτῳ θανάτῳ ἀποθνῄσκει, τοὺσ δ’ ἄλλουσ ὁ Ἰφικράτησ ἀφῆκε, Κερκυραίουσ ἐγγυητὰσ δεξάμενοσ τῶν χρημάτων. καὶ τοὺσ μὲν ναύτασ γεωργοῦντασ τοῖσ Κερκυραίοισ τὸ πλεῖστον διέτρεφε, τοὺσ δὲ πελταστὰσ καὶ τοὺσ ἀπὸ τῶν νεῶν ὁπλίτασ ἔχων διέβαινεν εἰσ τὴν Ἀκαρνανίαν·

καὶ ἐκεῖ ταῖσ μὲν φιλίαισ πόλεσιν ἐπεκούρει, εἴ τίσ τι δέοιτο, Θυριεῦσι δέ, μάλα καὶ ἀνδράσιν ἀλκίμοισ καὶ χωρίον καρτερὸν ἔχουσιν, ἐπολέμει. καὶ τὸ ἀπὸ Κερκύρασ ναυτικὸν προσλαβών, σχεδὸν περὶ ἐνενήκοντα ναῦσ, πρῶτον μὲν εἰσ Κεφαλληνίαν πλεύσασ χρήματα ἐπράξατο, τὰ μὲν παρ’ ἑκόντων, τὰ δὲ παρ’ ἀκόντων·

ἔπειτα δὲ παρεσκευάζετο τήν τε τῶν Λακεδαιμονίων χώραν κακῶσ ποιεῖν καὶ τῶν ἄλλων τῶν κατ’ ἐκεῖνα πόλεων πολεμίων οὐσῶν τὰσ μὲν ἐθελούσασ προσλαμβάνειν, τοῖσ δὲ μὴ πειθομένοισ πολεμεῖν. ἐγὼ μὲν δὴ ταύτην τὴν στρατηγίαν τῶν Ἰφικράτουσ οὐχ ἥκιστα ἐπαινῶ, ἔπειτα καὶ τὸ προσελέσθαι κελεῦσαι ἑαυτῷ Καλλίστρατόν τε τὸν δημηγόρον, οὐ μάλα ἐπιτήδειον ὄντα, καὶ Χαβρίαν, μάλα στρατηγὸν νομιζόμενον.

εἴτε γὰρ φρονίμουσ αὐτοὺσ ἡγούμενοσ εἶναι συμβούλουσ λαβεῖν ἐβούλετο, σῶφρόν μοι δοκεῖ διαπράξασθαι, εἴτε ἀντιπάλουσ νομίζων, οὕτω θρασέωσ μήτε καταρᾳθυμῶν μήτε καταμελῶν μηδὲν φαίνεσθαι, μεγαλοφρονοῦντοσ ἐφ’ ἑαυτῷ τοῦτό μοι δοκεῖ ἀνδρὸσ εἶναι. κἀκεῖνοσ μὲν δὴ ταῦτ’ ἔπραττεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Hellenica, Ἑλληνικῶν, chapter 2

(크세노폰, Hellenica, Ἑλληνικῶν, chapter 2)

상위

목록

SEARCH

MENU NAVIGATION