Xenophon, Cyropaedia, Κύρου Παιδείασ Ζ, chapter 5 89:

οὐ γάρ τοι τὸ ἀγαθοὺσ ἄνδρασ γενέσθαι τοῦτο ἀρκεῖ ὥστε καὶ διατελεῖν ὄντασ ἀγαθούσ, ἢν μή τισ αὐτοῦ διὰ τέλουσ ἐπιμελῆται· ἀλλ’ ὥσπερ καὶ αἱ ἄλλαι τέχναι ἀμεληθεῖσαι μείονοσ ἄξιαι γίγνονται καὶ τὰ σώματά γε τὰ εὖ ἔχοντα, ὁπόταν τισ αὐτὰ ἀνῇ ἐπὶ ῥᾳδιουργίαν, πονήρωσ πάλιν ἔχει, οὕτω καὶ ἡ σωφροσύνη καὶ ἡ ἐγκράτεια καὶ ἡ ἀλκή, ὁπόταν τισ αὐτῶν ἀνῇ τὴν ἄσκησιν, ἐκ τούτου εἰσ τὴν πονηρίαν πάλιν τρέπεται.