Xenophon, Cyropaedia, Κύρου Παιδείασ Ζ, chapter 3 13:

καὶ τἆλλά τοι, ὦ Κῦρε, οὕτωσ ἔχει· ἀλλὰ τί δεῖ σε ὁρᾶν; καὶ ταῦτα, ἔφη, οἶδ’ ὅτι δι’ ἐμὲ οὐχ ἥκιστα ἔπαθεν, ἴσωσ δὲ καὶ διὰ σέ, ὦ Κῦρε, οὐδὲν ἧττον. ἐγώ τε γὰρ ἡ μώρα πολλὰ διεκελευόμην αὐτῷ οὕτω ποιεῖν, ὅπωσ σοι φίλοσ ἄξιοσ γενήσοιτο· αὐτόσ τε οἶδ’ ὅτι οὗτοσ οὐ τοῦτο ἐνενόει ὅ τι πείσοιτο, ἀλλὰ τί ἄν σοι ποιήσασ χαρίσαιτο. καὶ γὰρ οὖν, ἔφη, αὐτὸσ μὲν ἀμέμπτωσ τετελεύτηκεν, ἐγὼ δ’ ἡ παρακελευομένη ζῶσα παρακάθημαι.