Xenophon, Cyropaedia, Κύρου Παιδείασ Ζ, chapter 2 32:

καὶ ὁ Κῦροσ εἶπε· τίσ δὴ ὁ ἔχων ταύτην τὴν μακαρίαν βιοτήν; ἡ ἐμὴ γυνή, εἶπεν, ὦ Κῦρε· ἐκείνη γὰρ τῶν μὲν ἀγαθῶν καὶ τῶν μαλακῶν καὶ εὐφροσυνῶν πασῶν ἐμοὶ τὸ ἴσον μετεῖχε, φροντίδων δὲ ὅπωσ ταῦτα ἔσται καὶ πολέμου καὶ μάχησ οὐ μετῆν αὐτῇ. οὕτω δὴ καὶ σὺ δοκεῖσ ἐμὲ κατασκευάζειν ὥσπερ ἐγὼ ἣν ἐφίλουν μάλιστα ἀνθρώπων, ὥστε τῷ Ἀπόλλωνι ἄλλα μοι δοκῶ χαριστήρια ὀφειλήσειν.