Xenophon, Cyropaedia, Κύρου Παιδείασ Ζ, chapter 1 32:

μετὰ δὲ τοῦτο τῷ Ἐνυαλίῳ τε ἅμα ἐπηλάλαξαν καὶ ἐξανίσταται ὁ Κῦροσ, καὶ εὐθὺσ μὲν μετὰ τῶν ἱππέων λαβὼν πλαγίουσ τοὺσ πολεμίουσ ὁμόσε αὐτοῖσ τὴν ταχίστην συνεμίγνυεν· οἱ δὲ πεζοὶ αὐτῷ συντεταγμένοι ταχὺ ἐφείποντο, καὶ περιεπτύσσοντο ἔνθεν καὶ ἔνθεν, ὥστε πολὺ ἐπλεονέκτει· φάλαγγι γὰρ κατὰ κέρασ προσέβαλλεν· ὥστε ταχὺ ἰσχυρὰ φυγὴ ἐγένετο τοῖσ πολεμίοισ.