Xenophon, Cyropaedia, Κύρου Παιδείασ Ζ, chapter 1 3:

ὡπλισμένοι δὲ πάντεσ ἦσαν οἱ περὶ τὸν Κῦρον τοῖσ αὐτοῖσ Κύρῳ ὅπλοισ, χιτῶσι φοινικοῖσ, θώραξι χαλκοῖσ, κράνεσι χαλκοῖσ, λόφοισ λευκοῖσ, μαχαίραισ, παλτῷ κρανεί̈νῳ ἑνὶ ἕκαστοσ· οἱ δὲ ἵπποι προμετωπιδίοισ καὶ προστερνιδίοισ καὶ παραμηριδίοισ χαλκοῖσ· τὰ δ’ αὐτὰ ταῦτα παραμηρίδια ἦν καὶ τῷ ἀνδρί· τοσοῦτον μόνον διέφερον τὰ Κύρου ὅπλα ὅτι τὰ μὲν ἄλλα ἐκέχριτο τῷ χρυσοειδεῖ χρώματι, τὰ δὲ Κύρου ὅπλα ὥσπερ κάτοπτρον ἐξέλαμπεν.