Xenophon, Cyropaedia, Κύρου Παιδείασ Β, chapter 2 15:

ναὶ μὰ Δί’, ἔφη ὁ Ἀγλαϊτάδασ, καὶ δικαίωσ γε, ἐπεὶ καὶ αὐτοῦ τοῦ κλαίοντασ καθίζοντοσ τοὺσ φίλουσ πολλαχοῦ ἔμοιγε δοκεῖ ἐλάττονοσ ἄξια διαπράττεσθαι ὁ γέλωτα αὐτοῖσ μηχανώμενοσ. εὑρήσεισ δὲ καὶ σύ, ἢν ὀρθῶσ λογίζῃ, ἐμὲ ἀληθῆ λέγοντα. κλαύμασι μέν γε καὶ πατέρεσ υἱοῖσ σωφροσύνην μηχανῶνται καὶ διδάσκαλοι παισὶν ἀγαθὰ μαθήματα, καὶ νόμοι γε πολίτασ διὰ τοῦ κλαίοντασ καθίζειν ἐσ δικαιοσύνην προτρέπονται· τοὺσ δὲ γέλωτα μηχανωμένουσ ἔχοισ ἂν εἰπεῖν ἢ σώματα ὠφελοῦντασ ἢ ψυχὰσ οἰκονομικωτέρασ τι ποιοῦντασ ἢ πολιτικωτέρασ;