Xenophon, Cyropaedia, Κύρου Παιδείασ Β, chapter 2 13:

καὶ ὁ Κῦροσ, εὐφήμει, ἔφη, μηδὲ λέγε ἀλαζόνασ εἶναι τούτουσ. ὁ μὲν γὰρ ἀλαζὼν ἔμοιγε δοκεῖ ὄνομα κεῖσθαι ἐπὶ τοῖσ προσποιουμένοισ καὶ πλουσιωτέροισ εἶναι ἢ εἰσὶ καὶ ἀνδρειοτέροισ καὶ ποιήσειν ἃ μὴ ἱκανοί εἰσιν ὑπισχνουμένοισ, καὶ ταῦτα φανεροῖσ γιγνομένοισ ὅτι τοῦ λαβεῖν τι ἕνεκα καὶ κερδᾶναι ποιοῦσιν. οἱ δὲ μηχανώμενοι γέλωτα τοῖσ συνοῦσι μήτε ἐπὶ τῷ αὑτῶν κέρδει μήτ’ ἐπὶ ζημίᾳ τῶν ἀκουόντων μήτε ἐπὶ βλάβῃ μηδεμιᾷ, πῶσ οὐχ οὗτοι ἀστεῖοι ἂν καὶ εὐχάριτεσ δικαιότερον ὀνομάζοιντο μᾶλλον ἢ ἀλαζόνεσ;