Xenophon, Cyropaedia, Κύρου Παιδείασ Β, chapter 1 9:

τί οὖν, ἔφη ὁ Κυαξάρησ, οὐκ ὀλίγουσ νομίζεισ Περσῶν εἶναι οὓσ σὺ φῂσ ἄγειν; ἀλλ’ εἰ μὲν ἀνδρῶν προσδεῖ ἡμῖν, ἔφη ὁ Κῦροσ, εἴτε καὶ μή, αὖθισ συμβουλευσόμεθα· τὴν δὲ μάχην μοι, ἔφη, λέξον ἑκάστων ἥτισ ἐστί. σχεδόν, ἔφη ὁ Κυαξάρησ, πάντων ἡ αὐτή· τοξόται γάρ εἰσι καὶ ἀκοντισταὶ οἵ τ’ ἐκείνων καὶ οἱ ἡμέτεροι. οὐκοῦν, ἔφη ὁ Κῦροσ, ἀκροβολίζεσθαι ἀνάγκη ἐστὶ τοιούτων γε τῶν ὅπλων ὄντων.