헬라어 문장 검색 - Σοπηοξ́Τραξηιν́01́0́01́

(소포클레스, 트라키니아이, episode 1:)

λόγοσ μέν ἐστ’ ἀρχαῖοσ ἀνθρώπων φανείσ, ὡσ οὐκ ἂν αἰῶν’ ἐκμάθοισ βροτῶν, πρὶν ἂν θάνῃ τισ, οὔτ’ εἰ χρηστὸσ οὔτ’ εἴ τῳ κακόσ· ἐγὼ δὲ τὸν ἐμόν, καὶ πρὶν εἰσ Αἵδου μολεῖν, ἔξοιδ’ ἔχουσα δυστυχῆ τε καὶ βαρύν, ἥτισ πατρὸσ μὲν ἐν δόμοισιν Οἰνέωσ ναίουσ’ ἔτ’ ἐν Πλευρῶνι νυμφείων ὄκνον ἄλγιστον ἔσχον, εἴ τισ Αἰτωλὶσ γυνή. μνηστὴρ γὰρ ἦν μοι ποταμόσ, Ἀχελῷον λέγω, ὅσ μ’ ἐν τρισὶν μορφαῖσιν ἐξῄτει πατρόσ, φοιτῶν ἐναργὴσ ταῦροσ, ἄλλοτ’ αἰόλοσ δράκων ἑλικτόσ, ἄλλοτ’ ἀνδρείῳ κύτει βούπρῳροσ· ἐκ δὲ δασκίου γενειάδοσ κρουνοὶ διερραίνοντο κρηναίου ποτοῦ. τοιόνδ’ ἐγὼ μνηστῆρα προσδεδεγμένη δύστηνοσ αἰεὶ κατθανεῖν ἐπηυχόμην, πρὶν τῆσδε κοίτησ ἐμπελασθῆναί ποτε. χρόνῳ δ’ ἐν ὑστέρῳ μέν, ἀσμένῃ δέ μοι, ὁ κλεινὸσ ἦλθε Ζηνὸσ Ἀλκμήνησ τε παῖσ· ὃσ εἰσ ἀγῶνα τῷδε συμπεσὼν μάχησ ἐκλύεταί με· καὶ τρόπον μὲν ἂν πόνων οὐκ ἂν διείποιμ’· οὐ γὰρ οἶδ’· ἀλλ’ ὅστισ ἦν θακῶν ἀταρβὴσ τῆσ θέασ, ὅδ’ ἂν λέγοι· ἐγὼ γὰρ ἥμην ἐκπεπληγμένη φόβῳ μή μοι τὸ κάλλοσ ἄλγοσ ἐξεύροι ποτέ. τέλοσ δ’ ἔθηκε Ζεὺσ ἀγώνιοσ καλῶσ, εἰ δὴ καλῶσ. λέχοσ γὰρ Ἡρακλεῖ κριτὸν ξυστᾶσ’ ἀεί τιν’ ἐκ φόβου φόβον τρέφω, κείνου προκηραίνουσα· νὺξ γὰρ εἰσάγει καὶ νὺξ ἀπωθεῖ διαδεδεγμένη πόνον. κἀφύσαμεν δὴ παῖδασ, οὓσ κεῖνόσ ποτε, γῄτησ ὅπωσ ἄρουραν ἔκτοπον λαβών, σπείρων μόνον προσεῖδε κἀξαμῶν ἅπαξ. τοιοῦτοσ αἰὼν εἰσ δόμουσ τε κἀκ δόμων αἰεὶ τὸν ἄνδρ’ ἔπεμπε λατρεύοντά τῳ. νῦν δ’ ἡνίκ’ ἄθλων τῶνδ’ ὑπερτελὴσ ἔφυ, ἐνταῦθα δὴ μάλιστα ταρβήσασ’ ἔχω. ἐξ οὗ γὰρ ἔκτα κεῖνοσ Ἰφίτου βίαν, ἡμεῖσ μὲν ἐν Τραχῖνι τῇδ’ ἀνάστατοι ξένῳ παρ’ ἀνδρὶ ναίομεν, κεῖνοσ δ’ ὅπου βέβηκεν οὐδεὶσ οἶδε· πλὴν ἐμοὶ πικρὰσ ὠδῖνασ αὐτοῦ προσβαλὼν ἀποίχεται. σχεδὸν δ’ ἐπίσταμαί τι πῆμ’ ἔχοντά νιν· χρόνον γὰρ οὐχὶ βαιόν, ἀλλ’ ἤδη δέκα μῆνασ πρὸσ ἄλλοισ πέντ’ ἀκήρυκτοσ μένει. κἀστίν τι δεινὸν πῆμα· τοιαύτην ἐμοὶ δέλτον λιπὼν ἔστειχε, τὴν ἐγὼ θαμὰ θεοῖσ ἀρῶμαι πημονῆσ ἄτερ λαβεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Trachiniae, episode 1:

(소포클레스, 트라키니아이, episode 1:)

상위

목록

SEARCH

MENU NAVIGATION