Plutarch, Publicola, chapter 14 2:

ἐφθόνουν δὲ πολλοὶ τῶν δυνατῶν, καὶ ἤχθοντο ταῖσ μὲν ἄλλαισ τιμαῖσ ἧττον, ἃσ νομοθετῶν καὶ στρατηγῶν ἐκ προσηκόντων ἔσχε· ταύτην δ’ οὖσαν ἀλλοτρίαν οὐκ ᾤοντο δεῖν αὐτῷ προσγενέσθαι, καὶ τὸν Ὡράτιον προετρέποντο καὶ παρώξυνον ἀντιποιεῖσθαι τῆσ καθιερώσεωσ. γενομένησ οὖν τῷ Ποπλικόλᾳ στρατείασ ἀναγκαίασ, ψηφισάμενοι τὸν Ὡράτιον καθιεροῦν ἀνῆγον εἰσ τὸ Καπιτώλιον, ὡσ οὐκ ἂν ἐκείνου περιγενόμενοι παρόντοσ.