헬라어 문장 검색 - Πλυταρ́Πυβλιξό01́

(플루타르코스, Publicola, chapter 1)

τοιούτῳ δὴ γενομένῳ τῷ Σόλωνι τὸν Ποπλικόλαν παραβάλλομεν, ᾧ τοῦτο μὲν ὕστερον ὁ Ῥωμαίων δῆμοσ ἐξεῦρεν ἐπὶ τιμῇ τοὔνομα, πρὸ τοῦ δὲ Πόπλιοσ Οὐαλλέριοσ ἐκαλεῖτο, Οὐαλλερίου δοκῶν ἀπόγονοσ εἶναι τῶν παλαιῶν ἀνδρὸσ αἰτιωτάτου γενομένου Ῥωμαίουσ καὶ Σαβίνουσ ἐκ πολεμίων ἕνα γενέσθαι δῆμον· ὁ γὰρ μάλιστα τοὺσ βασιλεῖσ εἰσ ταὐτὸ πείσασ συνελθεῖν καὶ διαλλάξασ ἐκεῖνόσ ἐστι . τούτῳ δὴ κατὰ γένοσ προσήκων ὁ Οὐαλλέριοσ, ὥσ φασι, βασιλευομένησ μὲν ἔτι τῆσ Ῥώμησ ἐπιφανὴσ ἦν διὰ λόγον καὶ πλοῦτον, ὧν τῷ μὲν ὀρθῶσ καὶ μετὰ παρρησίασ ἀεὶ χρώμενοσ ὑπὲρ τῶν δικαίων, ἀφ’ οὗ δὲ τοῖσ δεομένοισ ἐλευθερίωσ καὶ φιλανθρώπωσ ἐπαρκῶν, δῆλοσ ἦν εὐθύσ, εἰ γένοιτο δημοκρατία, πρωτεύσων.

ἐπεὶ δὲ Ταρκύνιον Σούπερβον οὔτε λαβόντα τὴν ἀρχήν καλῶσ, ἀλλ’ ἀνοσίωσ καὶ παρανόμωσ, οὔτε χρώμενον αὐτῇ βασιλικῶσ, ἀλλ’ ὑβρίζοντα καὶ τυραννοῦντα, μισῶν ὁ δῆμοσ καὶ βαρυνόμενοσ, ἀρχήν ἀποστάσεωσ ἔλαβε τὸ Λουκρητίασ πάθοσ αὑτὴν ἐπὶ τῷ βιασθῆναι διεργασαμένησ, καὶ Λεύκιοσ Βροῦτοσ ἁπτόμενοσ τῶν πραγμάτων τῆσ μεταβολῆσ ἐπὶ πρῶτον ἦλθε τὸν Οὐαλλέριον καὶ χρησάμενοσ αὐτῷ προθυμοτάτῳ συνεξέβαλε τοὺσ βασιλεῖσ, μέχρι μὲν ἐπίδοξοσ ἦν ὁ δῆμοσ ἕνα χειροτονήσειν ἀντὶ τοῦ βασιλέωσ στρατηγόν, ἡσυχίαν ἦγεν ὁ Οὐαλλέριοσ, ὡσ τῷ Βρούτῳ μᾶλλον ἄρχειν προσῆκον ἡγεμόνι τῆσ ἐλευθερίασ γεγενημένῳ·

δυσχεραινομένου δὲ τοῦ τῆσ μοναρχίασ ὀνόματοσ, καὶ δοκοῦντοσ ἂν ἀλυπότερον τοῦ δήμου μερισθεῖσαν ὑπομεῖναι τὴν ἀρχήν καὶ δύο προβαλλομένου καὶ καλοῦντοσ, ἐλπίζων μετὰ τὸν Βροῦτον αἱρεθήσεσθαι καὶ συνυπατεύσειν διήμαρτεν.

ᾑρέθη γὰρ ἄκοντι τῷ Βρούτῳ συνάρχων ἀντὶ τοῦ Οὐαλλερίου Ταρκύνιοσ Κολλατῖνοσ, ὁ Λουκρητίασ ἀνήρ, οὐδὲν ἀρετῇ Οὐαλλερίου διαφέρων, ἀλλ’ οἱ δυνατοί δεδιότεσ τοὺσ βασιλεῖσ ἔτι πολλὰ πειρῶντασ ἔξωθεν καὶ μαλάσσοντασ τὴν πόλιν, ἐβούλοντο τὸν ἐντονώτατον αὐτοῖσ ἐχθρὸν ἔχειν στρατηγὸν ὡσ οὐχ ὑφησόμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Publicola, chapter 1

(플루타르코스, Publicola, chapter 1)

상위

목록

SEARCH

MENU NAVIGATION