Plutarch, De fortuna Romanorum, section 11 3:

ἡ δ’ εὔροια τῶν πραγμάτων καὶ τὸ ῥόθιον τῆσ εἰσ τοσαύτην δύναμιν καὶ αὔξησιν ὁρμῆσ, οὐ χερσὶν ἀνθρώπων οὐδ’ ὁρμαῖσ προχωροῦσαν ἡγεμονίαν, θείᾳ δὲ πομπῇ καὶ πνεύματι Τύχησ ἐπιταχυνομένην, ἐπιδείκνυται τοῖσ ὀρθῶσ λογιζομένοισ. τρόπαια τροπαίοισ ἐπανίσταται καὶ θριάμβοι θριάμβοισ ἀπαντῶσι, καὶ τὸ πρῶτον αἷμα τῶν ὅπλων ἔτι θερμὸν ἀποκλύζεται τῷ δευτέρῳ καταλαμβανόμενον.