헬라어 문장 검색 - Πλυταρ́Αδϝερσύ14́0́00́

(플루타르코스, Adversus Colotem, section 14)

"διὸ καὶ τὰ πρὸσ τοῦτον εἰρημένα δοκεῖ μοι λαβεῖν ἐφεξῆσ. καὶ πρῶτόν γε τὴν ἐπιμέλειαν καὶ πολυμάθειαν τοῦ φιλοσόφου σκεψώμεθα, λέγοντοσ ὅτι τούτοισ τοῖσ δόγμασι τοῦ Πλάτωνοσ ἐπηκολουθήκασιν Ἀριστοτέλησ καὶ Ξενοκράτησ καὶ Θεόφραστοσ καὶ πάντεσ οἱ Περιπατητικοί. ποῦ γὰρ ὢν τῆσ ἀοικήτου τὸ βιβλίον ἔγραφεσ, ἵνα ταῦτα συντιθεὶσ τὰ ἐγκλήματα μὴ τοῖσ ἐκείνων συντάγμασιν ἐντύχῃσ μηδ’ ἀναλάβῃσ εἰσ χεῖρασ Ἀριστοτέλουσ τὰ περὶ Οὐρανοῦ καὶ τὰ περὶ Ψυχῆσ, Θεοφράστου δὲ τὰ πρὸσ τοὺσ Φυσικούσ, Ἡρακλείδου δὲ τὸν Ζωροάστρην, τὸ περὶ τῶν ἐν Αἵδου, τὸ περὶ τῶν Φυσικῶσ ἀπορουμένων, Δικαιάρχου δὲ τὰ περὶ Ψυχῆσ, ἐν οἷσ πρὸσ τὰ κυριώτατα καὶ μέγιστα τῶν φυσικῶν ὑπεναντιούμενοι τῷ Πλάτωνι καὶ μαχόμενοι διατελοῦσι; "καὶ μὴν τῶν ἄλλων Περιπατητικῶν ὁ κορυφαιότατοσ Στράτων οὔτ’ Ἀριστοτέλει κατὰ πολλὰ συμφέρεται καὶ Πλάτωνι τὰσ ἐναντίασ ἔσχηκε δόξασ περὶ κινήσεωσ περὶ νοῦ καὶ περὶ ψυχῆσ καὶ περὶ γενέσεωσ· "καὶ τελευτῶν τὸν κόσμον αὐτὸν οὐ ζῷον εἶναί φησι, τὸ δὲ κατὰ φύσιν ἕπεσθαι τῷ κατὰ τύχην· "ἀρχὴν γὰρ ἐνδιδόναι τὸ αὐτόματον, εἶθ’ οὕτω περαίνεσθαι τῶν φυσικῶν παθῶν ἕκαστον. "τάσ γε μὴν ἰδέασ, περὶ ὧν ἐγκαλεῖ τῷ Πλάτωνι, πανταχοῦ κινῶν ὁ Ἀριστοτέλησ καὶ πᾶσαν ἐπάγων ἀπορίαν αὐταῖσ ἐν τοῖσ ἠθικοῖσ ὑπομνήμασιν ἐν τοῖσ μετὰ τὰ φυσικὰ ἐν τοῖσ φυσικοῖσ διὰ τῶν ἐξωτερικῶν διαλόγων, φιλονεικότερον ἐνίοισ ἔδοξεν ἢ φιλοσοφώτερον ἐκ τῶν δογμάτων τούτων, ὡσ προθέμενοσ τὴν Πλάτωνοσ ὑπερείπειν φιλοσοφίαν οὕτω μακρὰν ἦν τοῦ ἀκολουθεῖν. τίνοσ οὖν εὐχερείασ ἐστὶ τὰ δοκοῦντα τοῖσ ἀνδράσι μὴ μαθόντα καταψεύδεσθαι τὰ μὴ δοκοῦντα; "καὶ πεπεισμένον ἐλέγχειν ἑτέρουσ αὐτόγραφον ἐξενεγκεῖν ἀμαθίασ ἔλεγχον καθ’ αὑτοῦ καὶ θρασύτητοσ, ὁμολογεῖν Πλάτωνι φάσκοντα τοὺσ διαφερομένουσ καὶ ἀκολουθεῖν τοὺσ ἀντιλέγοντασ;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Adversus Colotem, section 14

(플루타르코스, Adversus Colotem, section 14)

상위

목록

SEARCH

MENU NAVIGATION