Plutarch, Adversus Colotem, section 19

(플루타르코스, Adversus Colotem, section 19)

"ταῦτα μὲν οὖν πρὸσ τὰσ βλασφημίασ. "ὅτι δέ, οἷσ ἐγκαλεῖ περὶ τῶν ἐναργῶν, ἔνοχοσ αὐτόσ ἐστιν, οὐ συνεῖδεν. "ἓν γάρ ἐστι τῶν Ἐπικούρου δογμάτων, τὸ μηδὲν ἀμεταπείστωσ πεπεῖσθαι μηδένα πλὴν τὸν σοφόν. ἐπεὶ τοίνυν ὁ Κωλώτησ οὐκ ἦν σοφὸσ οὐδὲ μετὰ τὰσ σεβάσεισ ἐκείνασ, ἐρωτάτω πρῶτον ἐκεῖνα τὰ ἐρωτήματα, πῶσ σιτία προσάγεται καὶ οὐ χόρτον ἐπιτήδειοσ ὢν, καὶ τὸ ἱμάτιον τῷ σώματι καὶ οὐ τῷ κίονι περιτίθησι, μήθ’ ἱμάτιον εἶναι τὸ ἱμάτιον μήτε σιτίον τὸ σιτίον ἀμεταπείστωσ πεπεισμένοσ. "εἰ δὲ καὶ ταῦτα πράττει καὶ τοὺσ ποταμούσ, ὅταν ὦσι μεγάλοι, ποσὶν οὐ διέρχεται, καὶ τοὺσ ὄφεισ φεύγει καὶ τοὺσ λύκουσ, μηδὲν εἶναι τούτων οἱο͂ν φαίνεται πεπεισμένοσ ἀμεταπείστωσ, ἀλλὰ πράττων ἕκαστα κατὰ τὸ φαινόμενον· "οὐδὲ Σωκράτει δήπουθεν ἐμποδὼν ἦν ἡ περὶ τῶν αἰσθήσεων δόξα τοῦ χρῆσθαι τοῖσ φαινομένοισ ὁμοίωσ. "οὐ γὰρ Κωλώτῃ μὲν ὁ ἄρτοσ ἄρτοσ ἐφαίνετο καὶ χόρτοσ ὁ χόρτοσ, ὅτι τοὺσ διοπετεῖσ ἀνεγνώκει Κανόνασ· "ὁ δὲ Σωκράτησ ὑπ’ ἀλαζονείασ ἄρτου μὲν ὡσ χόρτου χόρτου δ’ ὡσ ἄρτου φαντασίαν ἐλάμβανε. "δόγμασι γὰρ ἡμῶν καὶ λόγοισ οὗτοι χρῶνται βελτίοσιν οἱ σοφοί· "τὸ δ’ αἰσθάνεσθαι καὶ τυποῦσθαι πρὸσ τὰ φαινόμενα κοινόν ἐστι πάθοσ ἀλόγοισ περαινόμενον αἰτίαισ. "ὁ δὲ τὰσ αἰσθήσεισ λόγοσ ἐπαγόμενοσ, ὡσ οὐκ ἀκριβεῖσ οὐδ’ ἀσφαλεῖσ πρὸσ πίστιν οὔσασ, οὐκ ἀναιρεῖ τὸ φαίνεσθαι τῶν πραγμάτων ἡμῖν ἕκαστον, ἀλλὰ χρωμένοισ κατὰ τὸ φαινόμενον ἐπὶ τὰσ πράξεισ ταῖσ αἰσθήσεσι τὸ πιστεύειν ὡσ ἀληθέσι πάντῃ καὶ ἀδιαπτώτοισ οὐ δίδωσιν αὐταῖσ τὸ γὰρ ἀναγκαῖον ἀρκεῖ καὶ χρειῶδεσ ἀπ’ αὐτῶν, ὅτι βέλτιον ἕτερον οὐκ ἔστιν· "ἣν δὲ ποθεῖ φιλόσοφοσ ψυχὴ λαβεῖν ἐπιστήμην περὶ ἑκάστου καὶ γνῶσιν, οὐκ ἔχουσι.

일치하는 문장이 없습니다.

SEARCH

MENU NAVIGATION