헬라어 문장 검색 - Πλυταρ́Αδϝερσύ21́

(플루타르코스, Adversus Colotem, section 21)

"ἀλλὰ διδόντεσ αὐτῷ τὸ μηδὲν οὕτωσ ἄχρηστον εἶναι μηδὲ φορτικὸν ὡσ τὸ ζητεῖν αὑτόν, ἐρώμεθα τίσ αὕτη τοῦ βίου σύγχυσίσ ἐστιν ἢ πῶσ ἐν τῷ ζῆν οὐ δύναται διαμένειν ἀνήρ, ὅτε τύχοι, πρὸσ ἑαυτὸν ἀναλογιζόμενοσ φέρε, τίσ ὢν οὗτοσ ὁ ἐγὼ τυγχάνω; "πότερον ὡσ κρᾶμά τι μεμιγμένον ἔκ τε τῆσ ψυχῆσ καὶ τοῦ σώματοσ· "ἢ μᾶλλον ἡ ψυχὴ τῷ σώματι χρωμένη, καθάπερ ἱππεὺσ ἀνὴρ ἵππῳ χρώμενοσ, οὐ τὸ ἐξ ἵππου καὶ ἀνδρόσ; "ἢ τῆσ ψυχῆσ τὸ κυριώτατον, ᾧ φρονοῦμεν καὶ λογιζόμεθα καὶ πράττομεν, ἕκαστοσ ἡμῶν ἐστι, τὰ δὲ λοιπὰ καὶ ψυχῆσ μόρια πάντα καὶ σώματοσ ὄργανα τῆσ τούτου δυνάμεωσ; "ἢ τὸ παράπαν οὐκ ἔστιν οὐσία ψυχῆσ ἀλλ’ αὐτὸ τὸ σῶμα κεκραμένον ἔσχηκε τὴν τοῦ φρονεῖν καὶ ζῆν δύναμιν; "ἀλλὰ τούτοισ μὲν οὐκ ἀναιρεῖ τὸν βίον ὁ Σωκράτησ, ἃ δὴ πάντεσ οἱ φυσικοὶ ζητοῦσιν· "ἐκεῖνα δ’ ἦν τὰ ἐν Φαίδρῳ δεινὰ καὶ ταρακτικὰ τῶν πραγμάτων, αὑτὸν οἰομένου δεῖν ἀναθεωρεῖν, εἴτε Τυφῶνόσ ἐστι θηρίον πολυπλοκώτερον καὶ μᾶλλον ἐπιτεθυμμένον εἴτε θείασ τινὸσ καὶ ἀτύφου μοίρασ φύσει μετέχον ἀλλὰ τούτοισ γε τοῖσ ἐπιλογισμοῖσ οὐ τὸν βίον ἀνῄρει, τὴν δ’ ἐμβροντησίαν ἐκ τοῦ βίου καὶ τὸν τῦφον ἐξήλαυνε καὶ τὰσ ἐπαχθεῖσ καὶ ὑπερόγκουσ κατοιήσεισ καὶ μεγαλαυχίασ· "ταῦτα γὰρ ὁ Τυφών ἐστιν, ὃν πολὺν ὑμῖν ἐνεποίησεν ὁ καθηγεμὼν καὶ θεοῖσ πολεμῶν καὶ θείοισ ἀνδράσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Adversus Colotem, section 21

(플루타르코스, Adversus Colotem, section 21)

상위

목록

SEARCH

MENU NAVIGATION