Plutarch, Adversus Colotem, section 4

(플루타르코스, Adversus Colotem, section 4)

"ἐγκαλεῖ δ’ αὐτῷ πρῶτον, ὅτι τῶν πραγμάτων ἕκαστον εἰπὼν οὐ μᾶλλον τοῖον ἢ τοῖον εἶναι συγκέχυκε τὸν βίον. "ἀλλὰ τοσοῦτόν γε Δημόκριτοσ ἀποδεῖ τοῦ νομίζειν μὴ μᾶλλον εἶναι τοῖον ἢ τοῖον τῶν πραγμάτων ἕκαστον, ὥστε Πρωταγόρᾳ τῷ σοφιστῇ τοῦτ’ εἰπόντι μεμαχῆσθαι καὶ γεγραφέναι πολλὰ καὶ πιθανὰ πρὸσ αὐτόν· "οἷσ οὐδ’ ὄναρ ἐντυχὼν ὁ Κωλώτησ ἐσφάλη περὶ λέξιν τάνδρόσ, ἐν διορίζεται μὴ μᾶλλον τὸ δέν ἢ τὸ μηδέν εἶναι, δέν μὲν ὀνομάζων τὸ σῶμα μηδέν δὲ τὸ κενόν, ὡσ καὶ τούτου φύσιν τινὰ καὶ ὑπόστασιν ἰδίαν ἔχοντοσ. "ὁ δ’ οὖν δόξασ τὸ μηδὲν μᾶλλον εἶναι τοῖον ἢ τοῖον Ἐπικουρείῳ δόγματι κέχρηται, τῷ πάσασ εἶναι τὰσ δι’ αἰσθήσεωσ φαντασίασ ἀληθεῖσ. εἰ γὰρ δυεῖν λεγόντων, τοῦ μὲν αὐστηρὸν εἶναι τὸν οἶνον τοῦ δὲ γλυκύν, οὐδέτεροσ ψεύδεται τῇ αἰσθήσει, τί μᾶλλον ὁ οἶνοσ αὐστηρὸσ ἢ γλυκὺσ ἐστι; "καὶ μὴν λουτρῷ γε τῷ αὐτῷ τοὺσ μὲν ὡσ θερμῷ τοὺσ δ’ ὡσ ψυχρῷ χρωμένουσ ἰδεῖν ἔστιν· "οἱ μὲν γὰρ ψυχρὸν οἱ δὲ θερμὸν ἐπιβάλλειν κελεύουσι. "πρὸσ δὲ Βερρονίκην τὴν Δηϊοτάρου τῶν Λακεδαιμονίων τινὰ γυναικῶν ἀφικέσθαι λέγουσιν. "ὡσ δ’ ἐγγὺσ; "ἀλλήλων προσῆλθον, εὐθὺσ ἀποστραφῆναι τὴν μὲν τὸ μύρον ὡσ ἐοίκε τὴν δὲ τὸ βούτυρον δυσχεράνασαν. "εἴπερ οὖν μὴ μᾶλλόν ἐστιν ἡ ἑτέρα τῆσ ἑτέρασ ἀληθὴσ αἴσθησισ, εἰκόσ ἐστι καὶ τὸ ὕδωρ μὴ μᾶλλον εἶναι ψυχρὸν ἢ θερμὸν καὶ τὸ μύρον καὶ τὸ βούτυρον μὴ μᾶλλον εὐῶδεσ ἢ δυσῶδεσ. "εἰ γὰρ ταὑτὸ φαινόμενον ἕτερον ἑτέρῳ φάσκει τισ, ἀμφότερα εἶναι λέγων λέληθεν.

일치하는 문장이 없습니다.

SEARCH

MENU NAVIGATION