헬라어 문장 검색 - Πλυταρ́Αδϝερσύ33́

(플루타르코스, Adversus Colotem, section 33)

"ἐκ δὲ τῶν Ἐπικούρου λόγων καὶ δογμάτων οὐ λέγω τίσ τυραννοκτόνοσ ἢ τίσ ἀριστεὺσ ἢ τίσ νομοθέτησ ἢ τίσ ἄρχων ἢ βασιλέωσ σύμβουλοσ ἢ δήμου προστάτησ ἢ βεβασανισμένοσ ὑπὲρ τῶν δικαίων ἢ τεθνηκώσ· "ἀλλὰ τίσ τῶν σοφῶν ἔπλευσεν ὑπὲρ τῆσ πατρίδοσ, ἐπρέσβευσεν, ἀνήλωσε ποῦ γέγραπται πολιτικὴ πρᾶξισ ὑμῖν. καίτοι ὅτι Μητρόδωροσ εἰσ Πειραιᾶ κατέβη σταδίουσ τεσσαράκοντα Μιθρῇ τινι Σύρῳ τῶν βασιλικῶν συνειλημμένῳ βοηθήσων, πρὸσ πάντασ ἐγράφετο καὶ πάσασ, πάσαισ ἐπιστολαῖσ μεγαληγοροῦντοσ Ἐπικούρου καὶ σεμνύνοντοσ ἐκείνην τὴν ὁδόν. τί οὖν εἴ τι τοιοῦτον ἐπέπρακτο αὐτοῖσ οἱο͂ν Ἀριστοτέλει, τὴν πατρίδα κτίσαι διεφθαρμένην ὑπὸ Φιλίππου, Θεοφράστῳ δὲ δὶσ ἐλευθερῶσαι τυραννουμένην; "οὐκ ἐπιλιπεῖν ἔδει πρότερον φέροντα βύβλουσ τὸν Νεῖλον ἢ τούτουσ ἀποκαμεῖν γράφοντασ περὶ αὑτῶν; "καὶ οὐ τοῦτο δεινόν ἐστι, ὅτι τοσούτων ὄντων φιλοσόφων μόνοι σχεδὸν ἀσύμβολοι τῶν ἐν ταῖσ πόλεσιν ἀγαθῶν κοινωνοῦσιν ἀλλ’ ὅτι καὶ τραγῳδιῶν ποιηταὶ καὶ κωμῳδιῶν ἀεί τι πειρῶνται χρήσιμον παρέχεσθαι καὶ λέγειν ὑπὲρ νόμων καὶ πολιτείασ· "οὗτοι δέ, κἂν γράφωσι, γράφουσι περὶ πολιτείασ ἵνα μὴ πολιτευώμεθα, καὶ περὶ ῥητορικῆσ ἵνα μὴ ῥητορεύωμεν, καὶ περὶ βασιλείασ ἵνα φεύγωμεν τὸ συμβιοῦν βασιλεῦσι τοὺσ δὲ πολιτικοὺσ ἄνδρασ ἐπὶ γέλωτι καὶ καταλύσει τῆσ δόξησ ὀνομάζουσιν, ὡσ τὸν Ἐπαμεινώνδαν ἐσχηκέναι τι λέγοντεσ ἀγαθὸν καὶ τοῦτο δὲ μικκόν, οὑτωσὶ τῷ ῥήματι φράζοντεσ, αὐτὸν δὲ σιδηροῦν σπλάγχνον ἀποκαλοῦντεσ καὶ πυνθανόμενοι τί παθὼν ἐβάδιζε διὰ τῆσ Πελοποννήσου μέσησ καὶ οὐ πιλίδιον ἔχων οἴκοι καθῆτο δηλαδὴ περὶ τὴν τῆσ γαστρὸσ ἐπιμέλειαν ὅλοσ καθεστώσ ἃ δὲ Μητρόδωροσ ἐν τῷ περὶ Φιλοσοφίασ ἐξορχούμενοσ πολιτείαν γέγραφεν οὐκ ᾤμην δεῖν παρεῖναι λέγει δέ, ὅτι τῶν σοφῶν τινεσ ὑπὸ δαψιλείασ τύφου οὕτω καλῶσ συνεῖδον τοὔργον αὐτῆσ, ὥστ’ οἴχονται φερόμενοι πρὸσ τὰσ αὐτὰσ Λυκούργῳ καὶ Σόλωνι ἐπιθυμίασ κατὰ τοὺσ περὶ βίων λόγουσ καὶ ἀρετῆσ. τῦφοσ οὖν ἦν καὶ δαψίλεια τύφου τὸ ἐλευθέρασ εἶναι τὰσ Ἀθήνασ καὶ τήν Σπάρτην εὐνομεῖσθαι καὶ τοὺσ νέουσ μὴ θρασύνεσθαι, μηδ’ ἐξ ἑταιρῶν παιδοποιεῖσθαι μηδὲ πλοῦτον καὶ τρυφὴν καὶ ἀσέλγειαν ἄρχειν ἀλλὰ νόμον καὶ δικαιοσύνην ἐν ταῖσ πόλεσιν αὗται γὰρ ἦσαν ἐπιθυμίαι Σόλωνοσ. "καὶ λοιδορῶν ὁ Μητρόδωροσ ἐπιλέγει τοῖσ εἰρημένοισ διὸ καὶ καλῶσ ἔχει τὸν ἐλεύθερον ὡσ ἀληθῶσ γέλωτα γελάσαι ἐπί τε δὴ πᾶσιν ἀνθρώποισ καὶ ἐπὶ τοῖσ Λυκούργοισ τούτοισ καὶ Σόλωσιν. ἀλλ’ οὐκ ἐλεύθεροσ οὗτοσ, ὦ Μητρόδωρ, ἐστὶν ἀλλ’ ἀνελεύθεροσ καὶ ἀνάγωγοσ, καὶ οὐδὲ μάστιγοσ ἐλευθέρασ δεόμενοσ, ἀλλὰ τῆσ ἀστραγαλωτῆσ ἐκείνησ, ᾗ τοὺσ Γάλλουσ πλημμελοῦντασ ἐν τοῖσ Μητρῴοισ κολάζουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Adversus Colotem, section 33

(플루타르코스, Adversus Colotem, section 33)

상위

목록

SEARCH

MENU NAVIGATION