Plato, Euthyphro, Apology, Crito, Phaedo, Φαίδων 367:

ἀποδέδεικται μέν, ἔφη, ὦ Σιμμία τε καὶ Κέβησ, ὁ Σωκράτησ, καὶ νῦν, εἰ ’θέλετε συνθεῖναι τοῦτόν τε τὸν λόγον εἰσ ταὐτὸν καὶ ὃν πρὸ τούτου ὡμολογήσαμεν, τὸ γίγνεσθαι πᾶν τὸ ζῶν ἐκ τοῦ τεθνεῶτοσ. εἰ γὰρ ἔστιν μὲν ἡ ψυχὴ καὶ πρότερον, ἀνάγκη δὲ αὐτῇ εἰσ τὸ ζῆν ἰούσῃ τε καὶ γιγνομένῃ μηδαμόθεν ἄλλοθεν ἢ ἐκ θανάτου καὶ τοῦ τεθνάναι γίγνεσθαι, πῶσ οὐκ ἀνάγκη αὐτὴν καὶ ἐπειδὰν ἀποθάνῃ εἶναι, ἐπειδή γε δεῖ αὖθισ αὐτὴν γίγνεσθαι;