Plato, Euthyphro, Apology, Crito, Phaedo, Κρίτων 46:

ἢ ἐροῦμεν πρὸσ αὐτοὺσ ὅτι "ἠδίκει γὰρ ἡμᾶσ ἡ πόλισ καὶ οὐκ ὀρθῶσ τὴν δίκην ἔκρινεν; ταῦτα ἢ τί ἐροῦμεν; ταῦτα νὴ Δία, ὦ Σώκρατεσ. τί οὖν ἂν εἴπωσιν οἱ νόμοι· "ὦ Σώκρατεσ, ἦ καὶ ταῦτα ὡμολόγητο ἡμῖν τε καὶ σοί, ἢ ἐμμενεῖν ταῖσ δίκαισ αἷσ ἂν ἡ πόλισ δικάζῃ; εἰ οὖν αὐτῶν θαυμάζοιμεν λεγόντων, ἴσωσ ἂν εἴποιεν ὅτι "ὦ Σώκρατεσ, μὴ θαύμαζε τὰ λεγόμενα ἀλλ’ ἀποκρίνου, ἐπειδὴ καὶ εἰώθασ χρῆσθαι τῷ ἐρωτᾶν τε καὶ ἀποκρίνεσθαι. φέρε γάρ, τί ἐγκαλῶν ἡμῖν καὶ τῇ πόλει ἐπιχειρεῖσ ἡμᾶσ ἀπολλύναι;