Plato, Euthyphro, Apology, Crito, Phaedo, Κρίτων 41:

οἶδα γὰρ ὅτι ὀλίγοισ τισὶ ταῦτα καὶ δοκεῖ καὶ δόξει. οἷσ οὖν οὕτω δέδοκται καὶ οἷσ μή, τούτοισ οὐκ ἔστι κοινὴ βουλή, ἀλλὰ ἀνάγκη τούτουσ ἀλλήλων καταφρονεῖν ὁρῶντασ ἀλλήλων τὰ βουλεύματα. σκόπει δὴ οὖν καὶ σὺ εὖ μάλα πότερον κοινωνεῖσ καὶ συνδοκεῖ σοι καὶ ἀρχώμεθα ἐντεῦθεν βουλευόμενοι, ὡσ οὐδέποτε ὀρθῶσ ἔχοντοσ οὔτε τοῦ ἀδικεῖν οὔτε τοῦ ἀνταδικεῖν οὔτε κακῶσ πάσχοντα ἀμύνεσθαι ἀντιδρῶντα κακῶσ, ἢ ἀφίστασαι καὶ οὐ κοινωνεῖσ τῆσ ἀρχῆσ;