Plato, Euthyphro, Apology, Crito, Phaedo, Κρίτων 38:

οὐδενὶ τρόπῳ φαμὲν ἑκόντασ ἀδικητέον εἶναι, ἢ τινὶ μὲν ἀδικητέον τρόπῳ τινὶ δὲ οὔ; ἢ οὐδαμῶσ τό γε ἀδικεῖν οὔτε ἀγαθὸν οὔτε καλόν, ὡσ πολλάκισ ἡμῖν καὶ ἐν τῷ ἔμπροσθεν χρόνῳ ὡμολογήθη; ὅπερ καὶ ἄρτι ἐλέγετο ἢ πᾶσαι ἡμῖν ἐκεῖναι αἱ πρόσθεν ὁμολογίαι ἐν ταῖσδε ταῖσ ὀλίγαισ ἡμέραισ ἐκκεχυμέναι εἰσίν, καὶ πάλαι, ὦ Κρίτων, ἄρα τηλικοίδε γέροντεσ ἄνδρεσ πρὸσ ἀλλήλουσ σπουδῇ διαλεγόμενοι ἐλάθομεν ἡμᾶσ αὐτοὺσ παίδων οὐδὲν διαφέροντεσ;