Plato, Euthyphro, Apology, Crito, Phaedo, Εὐθύφρων 38:

ὥστε, ὦ Εὐθύφρων, ὃ σὺ νῦν ποιεῖσ τὸν πατέρα κολάζων, οὐδὲν θαυμαστὸν εἰ τοῦτο δρῶν τῷ μὲν Διὶ προσφιλὲσ ποιεῖσ, τῷ δὲ Κρόνῳ καὶ τῷ Οὐρανῷ ἐχθρόν, καὶ τῷ μὲν Ἡφαίστῳ φίλον, τῇ δὲ Ἥρᾳ ἐχθρόν, καὶ εἴ τισ ἄλλοσ τῶν θεῶν ἕτεροσ ἑτέρῳ διαφέρεται περὶ αὐτοῦ, καὶ ἐκείνοισ κατὰ τὰ αὐτά. ἀλλ’ οἶμαι, ὦ Σώκρατεσ, περί γε τούτου τῶν θεῶν οὐδένα ἕτερον ἑτέρῳ διαφέρεσθαι, ὡσ οὐ δεῖ δίκην διδόναι ἐκεῖνον ὃσ ἂν ἀδίκωσ τινὰ ἀποκτείνῃ. τί δέ; ἀνθρώπων, ὦ Εὐθύφρων, ἤδη τινὸσ ἤκουσασ ἀμφισβητοῦντοσ ὡσ τὸν ἀδίκωσ ἀποκτείναντα ἢ ἄλλο ἀδίκωσ ποιοῦντα ὁτιοῦν οὐ δεῖ δίκην διδόναι;