Plato, Euthyphro, Apology, Crito, Phaedo, Εὐθύφρων 32:

δοκῶ, ὦ Σώκρατεσ. εἴρηται γάρ. γοὐκοῦν καὶ ὅτι στασιάζουσιν οἱ θεοί, ὦ Εὐθύφρων, καὶ διαφέρονται ἀλλήλοισ καὶ ἔχθρα ἐστὶν ἐν αὐτοῖσ πρὸσ ἀλλήλουσ, καὶ τοῦτο εἴρηται; εἴρηται γάρ. ἔχθραν δὲ καὶ ὀργάσ, ὦ ἄριστε, ἡ περὶ τίνων διαφορὰ ποιεῖ; ὧδε δὲ σκοπῶμεν. ἆρ’ ἂν εἰ διαφεροίμεθα ἐγώ τε καὶ σὺ περὶ ἀριθμοῦ ὁπότερα πλείω, ἡ περὶ τούτων διαφορὰ ἐχθροὺσ ἂν ἡμᾶσ ποιοῖ καὶ ὀργίζεσθαι ἀλλήλοισ, ἢ ἐπὶ λογισμὸν ἐλθόντεσ περί γε τῶν τοιούτων ταχὺ ἂν ἀπαλλαγεῖμεν;