Plato, Euthyphro, Apology, Crito, Phaedo, Εὐθύφρων 25:

ἐμοὶ δὲ χαλεπαίνουσιν ὅτι τῷ πατρὶ ἐπεξέρχομαι ἀδικοῦντι, καὶ οὕτωσ αὐτοὶ αὑτοῖσ τὰ ἐναντία λέγουσι περί τε τῶν θεῶν καὶ περὶ ἐμοῦ. ἆρά γε, ὦ Εὐθύφρων, τοῦτ’ ἔστιν οὗ οὕνεκα τὴν γραφὴν φεύγω, ὅτι τὰ τοιαῦτα ἐπειδάν τισ περὶ τῶν θεῶν λέγῃ, δυσχερῶσ πωσ ἀποδέχομαι; διὸ δή, ὡσ ἐοίκε, φήσει τίσ με ἐξαμαρτάνειν. νῦν οὖν εἰ καὶ σοὶ ταῦτα συνδοκεῖ τῷ εὖ εἰδότι περὶ τῶν τοιούτων, ἀνάγκη δή, ὡσ ἐοίκε, καὶ ἡμῖν συγχωρεῖν. τί γὰρ καὶ φήσομεν, οἵ γε καὶ αὐτοὶ ὁμολογοῦμεν περὶ αὐτῶν μηδὲν εἰδέναι;