Plato, Alcibiades 1, Alcibiades 2, Hipparchus, Lovers, Theages, Charmides, Laches, Lysis, Λάχης 86:

τί δ’ ἡ μετ’ ἀφροσύνησ; οὐ τοὐναντίον ταύτῃ βλαβερὰ καὶ κακοῦργοσ; ναί. καλὸν οὖν τι φήσεισ σὺ εἶναι τὸ τοιοῦτον, ὂν κακοῦργόν τε καὶ βλαβερόν; οὔκουν δίκαιόν γε, ὦ Σώκρατεσ. οὐκ ἄρα τήν γε τοιαύτην καρτερίαν ἀνδρείαν ὁμολογήσεισ εἶναι, ἐπειδήπερ οὐ καλή ἐστιν, ἡ δὲ ἀνδρεία καλόν ἐστιν. ἀληθῆ λέγεισ. ἡ φρόνιμοσ ἄρα καρτερία κατὰ τὸν σὸν λόγον ἀνδρεία ἂν εἰή. ἐοίκεν.