Plato, Alcibiades 1, Alcibiades 2, Hipparchus, Lovers, Theages, Charmides, Laches, Lysis, Λάχης 45:

οὐκοῦν νῦν φαμεν περὶ μαθήματοσ σκοπεῖν τῆσ ψυχῆσ ἕνεκα τῆσ τῶν νεανίσκων; ναί. εἴ τισ ἄρα ἡμῶν τεχνικὸσ περὶ ψυχῆσ θεραπείαν καὶ οἱο͂́σ τε καλῶσ τοῦτο θεραπεῦσαι, καὶ ὅτῳ διδάσκαλοι ἀγαθοὶ γεγόνασιν, τοῦτο σκεπτέον. τί δέ, ὦ Σώκρατεσ; οὔπω ἑώρακασ ἄνευ διδασκάλων τεχνικωτέρουσ γεγονότασ εἰσ ἔνια ἢ μετὰ διδασκάλων; ἔγωγε, ὦ Λάχησ· οἷσ γε σὺ οὐκ ἂν ἐθέλοισ πιστεῦσαι, εἰ φαῖεν ἀγαθοὶ εἶναι δημιουργοί, εἰ μή τί σοι τῆσ αὑτῶν τέχνησ ἔργον ἔχοιεν ἐπιδεῖξαι εὖ εἰργασμένον, καὶ ἓν καὶ πλείω. τοῦτο μὲν ἀληθῆ λέγεισ.