Plato, Alcibiades 1, Alcibiades 2, Hipparchus, Lovers, Theages, Charmides, Laches, Lysis, Θεάγης 10:

ὀρθότατον οὖν μοι δοκεῖ εἶναι ἀπ’ αὐτοῦ τούτου ἄρχεσθαι, διαπυνθανομένουσ ὅτι καὶ ἔστιν οὗ ἐπιθυμεῖ. κινδυνεύει γοῦν οὕτω βέλτιστον εἶναι ὡσ σὺ λέγεισ. εἰπὲ δή μοι, τί καλὸν ὄνομα τῷ νεανίσκῳ; τί αὐτὸν προσαγορεύωμεν; Θεάγησ ὄνομα τούτῳ, ὦ Σώκρατεσ. καλόν γε, ὦ Δημόδοκε, τῷ ὑεῖ τὸ ὄνομα ἔθου καὶ ἱεροπρεπέσ. εἰπὲ δὴ ἡμῖν, ὦ Θέαγεσ, ἐπιθυμεῖν φῂσ σοφὸσ γενέσθαι, καὶ ἀξιοῖσ σου τὸν πατέρα τόνδε ἐξευρεῖν ἀνδρόσ τινοσ συνουσίαν τοιούτου ὅστισ σε σοφὸν ποιήσει;