Plato, Alcibiades 1, Alcibiades 2, Hipparchus, Lovers, Theages, Charmides, Laches, Lysis, Ἀλκιβιάδησ α 115:

ὧν ὁ μὲν μαγείαν τε διδάσκει τὴν Ζωροάστρου τοῦ Ὡρομάζου ‐ ἔστι δὲ τοῦτο θεῶν θεραπεία ‐ διδάσκει δὲ καὶ τὰ βασιλικά, ὁ δὲ δικαιότατοσ ἀληθεύειν διὰ παντὸσ τοῦ βίου, ὁ δὲ σωφρονέστατοσ μηδ’ ὑπὸ μιᾶσ ἄρχεσθαι τῶν ἡδονῶν, ἵνα ἐλεύθεροσ εἶναι ἐθίζηται καὶ ὄντωσ βασιλεύσ, ἄρχων πρῶτον τῶν ἐν αὑτῷ ἀλλὰ μὴ δουλεύων, ὁ δὲ ἀνδρειότατοσ ἄφοβον καὶ ἀδεᾶ παρασκευάζων, ὡσ ὅταν δείσῃ δοῦλον ὄντα· σοὶ δ’, ὦ Ἀλκιβιάδη, Περικλῆσ ἐπέστησε παιδαγωγὸν τῶν οἰκετῶν τὸν ἀχρειότατον ὑπὸ γήρωσ, Ζώπυρον τὸν Θρᾷκα.