Plato, Alcibiades 1, Alcibiades 2, Hipparchus, Lovers, Theages, Charmides, Laches, Lysis, Ἀλκιβιάδησ α 104:

ἀποβλέπειν καὶ ἄλλουσ τοιούτουσ ‐ οἳ τὰ τῆσ πόλεωσ πράττειν ἐπιχειροῦσιν, ἔτι τὴν ἀνδραποδώδη, φαῖεν ἂν αἱ γυναῖκεσ, τρίχα ἔχοντεσ ἐν τῇ ψυχῇ ὑπ’ ἀμουσίασ καὶ οὔπω ἀποβεβληκότεσ, ἔτι δὲ βαρβαρίζοντεσ ἐληλύθασι κολακεύσοντεσ τὴν πόλιν ἀλλ’ οὐκ ἄρξοντεσ ‐ πρὸσ τούτουσ σε δεῖ, οὕσπερ λέγω, βλέποντα σαυτοῦ δὴ ἀμελεῖν, καὶ μήτε μανθάνειν ὅσα μαθήσεωσ ἔχεται, μέλλοντα τοσοῦτον ἀγῶνα ἀγωνίζεσθαι, μήτε ἀσκεῖν ὅσα δεῖται ἀσκήσεωσ, καὶ πᾶσαν παρασκευὴν παρεσκευασμένον οὕτωσ ἰέναι ἐπὶ τὰ τῆσ πόλεωσ.