Plato, Alcibiades 1, Alcibiades 2, Hipparchus, Lovers, Theages, Charmides, Laches, Lysis, Ἀλκιβιάδησ α 27:

καὶ τόθ’ ὁπότε βέλτιον; ναί. πάνυ γε. καὶ τοσοῦτον χρόνον ὅσον ἄμεινον; ναί. εἰ οὖν βουλεύοιντο Ἀθηναῖοι τίσιν χρὴ προσπαλαίειν καὶ τίσιν ἀκροχειρίζεσθαι καὶ τίνα τρόπον, σὺ ἄμεινον ἂν συμβουλεύοισ ἢ ὁ παιδοτρίβησ; ὁ παιδοτρίβησ δήπου. ἔχεισ οὖν εἰπεῖν πρὸσ τί <ἂν> βλέπων ὁ παιδοτρίβησ συμβουλεύσειεν οἷσ δεῖ προσπαλαίειν καὶ οἷσ μή, καὶ ὁπότε καὶ ὅντινα τρόπον; λέγω δὲ τὸ τοιόνδε· ἆρα τούτοισ δεῖ προσπαλαίειν οἷσ βέλτιον, ἢ οὔ;