헬라어 문장 검색 - Ηιπποξ́Οευϝρεσ́09́24́0́

(히포크라테스, Oeuvres Completes D'Hippocrate., PROGNWSTIKON, 24.)

Ὁκόσοισι δ’ ἂν οἱ πυρετοὶ παύωνται, μήτε σημείων γενομένων λυτηρίων, μήτε ἐν ἡμέρῃσι κρισίμῃσιν, ὑποστροφὴν προσδέχεσθαι χρὴ τουτέοισιν. Ὅστισ δ’ἂν τῶν πυρετῶν μηκύνῃ περιεστικῶσ διακειμένου τοῦ ἀνθρώπου, μηκέτι ὀδύνησ ἐχούσησ διὰ φλεγμονήν τινα, μήτε διὰ πρόφασιν ἄλλην μηδεμίην ἐμφανέα, τουτέῳ προσδέχεσθαι ἀπόστασιν μετ’ οἰδήματόσ τε καὶ ὀδύνησ ἔσ τι τῶν ἄρθρων, καὶ οὐχ ἧσσον ἐκ τῶν κάτω. Μᾶλλον δὲ γίγνονται καὶ ἐν ἐλάσσονι χρόνῳ αἱ τοιαῦται ἀποστάσιεσ τοῖσι νεωτέροισι τριήκοντα ἐτέων‧ ὑποσκέπτεσθαι δὲ χρὴ εὐθέωσ τὰ περὶ τῆσ ἀποστάσιοσ, ἢν εἴκοσιν ἡμέρασ ὁ πυρετὸσ ἔχων ὑπερβάλλῃ‧ τοῖσι δὲ γεραιτέροισιν ἧσσον γίγνεται, πολυχρονιωτέρου ἐόντοσ τοῦ πυρετοῦ. Χρὴ δὲ τὴν μὲν τοιαύτην ἀπόστασιν προσδέχεσθαι, ξυνεχέοσ ἐόντοσ τοῦ πυρετοῦ, ἐσ δὲ τεταρταῖον καταστήσεσθαι, ἢν διαλείπῃ τε καὶ καταλαμβάνῃ πεπλανημένον τρόπον, καὶ ταῦτα ποιέων τῷ φθινοπώρῳ προσπελάσῃ. Ὥσπερ δὲ τοῖσι νεωτέροισι τῶν τριήκοντα ἐτέων αἱ ἀποστάσιεσ γίγνονται, οὕτωσ οἱ τεταρταῖοι μᾶλλον τοῖσι τριήκοντα ἐτέων καὶ γεραιτέροισιν. Τὰσ δὲ ἀποστάσιασ εἰδέναι χρὴ τοῦ χειμῶνοσ μᾶλλον γιγνομένασ χρονιώτερόν τε παυομένασ, ἧσσον δὲ παλινδρομεύσασ. Ὅστισ δ’ ἂν ἐν πυρετῷ μὴ θανατώδει φῇ τὴν κεφαλὴν ἀλγέειν, ἢ καὶ ὀρφνῶδέσ τι πρὸ τῶν ὀφθαλμῶν φαίνεσθαι, ἢ καρδιωγμὸσ τουτέῳ προσγένηται, χολώδησ ἔμετοσ παρέσται‧ ἢν δὲ καὶ Ῥῖγοσ ἐπιλάβῃ, καὶ τὰ κάτω μέρεα τοῦ ὑποχονδρίου ψυχρὰ ᾖ, καὶ θᾶσσον ἔτι ὁ ἔμετοσ παρέσται‧ ἢν δέ τι πίῃ ἢ φάγῃ ὑπὸ τοῦτον τὸν χρόνον, κάρτα τοῦτο ταχέωσ ἐμέεται. Τουτέων δὲ οἷσιν ἂν ἄρξηται ὁ πόνοσ τῇ πρώτῃ ἡμέρῃ γίγνεσθαι, τεταρταῖοι πιεζεῦνται μάλιστα καὶ πεμπταῖοι‧ ἐσ δὲ τὴν ἑβδόμην ἀπαλλάσσονται‧ οἱ μέντοι πλείονεσ αὐτέων ἄρχονται μὲν πονέεσθαι τριταῖοι, χειμάζονται δὲ μάλιστα πεμπταῖοι, ἀπαλλάσσονται δὲ ἐναταῖοι ἢ ἑνδεκαταῖοι‧ οἳ δ’ἂν ἄρξωνται πεμπταῖοι πονέεσθαι, καὶ τἄλλα κατὰ λόγον αὐτέοισι γίγνηται, ἐσ τὴν τεσσαρεσκαιδεκάτην κρίνεται ἡ νοῦσοσ. Γίγνεται δὲ ταῦτα τοῖσι μὲν ἀνδράσι καὶ τῆσι γυναιξὶν ἐν τοῖσι τριταίοισι μάλιστα‧ τοῖσι δὲ νεωτέροισι γίγνεται μὲν καὶ ἐν τουτέοισι, μᾶλλον δὲ ἐν τοῖσι ξυνεχεστέροισι πυρετοῖσι, καὶ ἐν τοῖσι γνησίοισι τριταίοισιν. Οἷσι δ’ ἂν ἐν τοιουτοτρόπῳ πυρετῷ κεφαλὴν ἀλγέουσιν ἀντὶ μὲν τοῦ ὀρφνῶδέσ τι πρὸ τῶν ὀφθαλμῶν φαίνεσθαι, ἀμβλυωγμὸσ γίγνεται, ἢ μαρμαρυγαὶ προφαίνονται, ἀντὶ δὲ τοῦ καρδιώσσειν, ἐν τῷ ὑποχονδρίῳ ἐπὶ δεξιὰ ἢ ἐπ’ ἀριστερὰ ξυντείνεταί τι μήτε ξὺν ὀδύνῃ μήτε ξὺν φλεγμονῇ, αἷμα διὰ τῶν Ῥινῶν τουτέοισι Ῥυῆναι προσδόκιμον ἀντὶ τοῦ ἐμέτου. Μᾶλλον δὲ καὶ ἐνταῦθα τοῖσι νέοισι τοῦ αἵματοσ τὴν Ῥῆξιν προσδέχεσθαι‧ τοῖσι δὲ πέντε καὶ τριήκοντα ἔτεσι καὶ γεραιτέροισιν ἧσσον, ἀλλὰ τοὺσ ἐμέτουσ τουτέοισι προσδέχεσθαι. Τοῖσι δὲ παιδίοισι σπασμοὶ γίγνονται, ἢν ὁ πυρετὸσ ὀξὺσ ᾖ, καὶ γαστὴρ μὴ διαχωρέῃ, καὶ ἀγρυπνέωσί τε καὶ ἐκπλαγέωσι, καὶ κλαυθμυρίζωσι, καὶ τὸ χρῶμα μεταβάλλωσι, καὶ χλωρὸν ἢ πελιὸν ἢ ἐρυθρὸν ἴσχωσιν. Γίγνεται δὲ ταῦτα ἐξ ἑτοιμοτάτου μὲν τοῖσι παιδίοισι τοῖσι νεωτάτοισιν ἐσ τὰ ἑπτὰ ἔτεα‧ τὰ δὲ πρεσβύτερα τῶν παιδίων καὶ οἱ ἄνδρεσ οὐκ ἔτι ἐν τοῖσι πυρετοῖσιν ὑπὸ τῶν σπασμῶν ἁλίσκονται, ἢν μή τι τῶν σημείων προσγένηται τῶν ἰσχυροτάτων τε καὶ κακίστων, οἱᾶ́ περ ἐν τῃσι φρενίτισι γίγνεται. Τοὺσ δ’ἀπολουμένουσ τε καὶ περιεσομένουσ τῶν παιδίων τε καὶ τῶν ἄλλων τεκμαίρεσθαι τοῖσι ξύμπασι σημείοισιν, ὡσ ἐφ’ ἑκάστοισιν ἕκαστα διαγέγραπται. Ταῦτα δὲ λέγω περί τε τῶν ὀξέων νουσημάτων καὶ ὅσα ἐκ τουτέων γίγνεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., PROGNWSTIKON, 24.

(히포크라테스, Oeuvres Completes D'Hippocrate., PROGNWSTIKON, 24.)

상위

목록

SEARCH

MENU NAVIGATION