Hippocrates, Oeuvres Completes D'Hippocrate., PROGNWSTIKON, 25.

(히포크라테스, Oeuvres Completes D'Hippocrate., PROGNWSTIKON, 25.)

Χρὴ δὲ τὸν μέλλοντα ὀρθῶσ προγιγνώσκειν τοὺσ περιεσομένουσ καὶ τοὺσ ἀποθανουμένουσ, ὅσοισί τε ἂν μέλλῃ πλέονασ ἡμέρασ παραμένειν τὸ νούσημα καὶ ὅσοισιν ἂν ἐλάσσουσ, τὰ σημεῖα ἐκμανθάνοντα πάντα δύνασθαι κρίνειν, λογιζόμενον τὰσ δυνάμιασ αὐτέων πρὸσ ἀλλήλασ, ὥσπερ διαγέγραπται περί τε τῶν ἄλλων καὶ τῶν οὔρων καὶ τῶν πτυέλων, ὅταν ὁμοῦ πῦόν τε ἀναβήσσῃ καὶ χολήν. Χρὴ δὲ καὶ τὰσ φορὰσ τῶν νουσημάτων αἰεὶ ἐπιδημεύντων ταχέωσ ἐνθυμέεσθαι, τήν τε τῆσ ὡρ́ησ κατάστασιν. Εὖ μέντοι χρὴ εἰδέναι περὶ τῶν τεκμηρίων καὶ τῶν ἄλλων σημείων, καὶ μὴ λανθάνειν ὅτι ἐν παντὶ ἔτει καὶ πάση ὡρ́ῃ τά τε κακὰ κακὸν σημαίνει, καὶ τὰ χρηστὰ ἀγαθὸν, ἐπεὶ καὶ ἐν Λιβύῃ καὶ ἐν Δήλῳ καὶ ἐν Σκυθίῃ φαίνεται τὰ προγεγραμμένα ἀληθεύοντα σημεῖα. Ἐξ ὧν χρὴ εἰδέναι ὅτι ἔν γε τοῖσ αὐτέοισι χωρίοισιν οὐδὲν δεινὸν τὸ μὴ οὐ τὰ πολλαπλάσια αὐτέων ἐπιτυγχάνειν, ἢν ἐκμαθών τισ αὐτὰ κρίνειν τε καὶ λογίζεσθαι ὀρθῶσ ἐπίστηται. Ποθέειν δὲ χρὴ οὐδενὸσ νουσήματοσ οὔνομα, ὅ τι μὴ τυγχάνῃ ἐνθάδε γεγραμμένον‧ πάντα γὰρ ὁκόσα ἐν τοῖσι χρόνοισι τοῖσι προειρημένοισι κρίνεται, γνώσῃ τοῖσιν αὐτέοισι σημείοισιν.

일치하는 문장이 없습니다.

SEARCH

MENU NAVIGATION