헬라어 문장 검색 - Ηιπποξ́Οευϝρεσ́09́17́

(히포크라테스, Oeuvres Completes D'Hippocrate., PROGNWSTIKON, 17.)

Τοὺσ δὲ ξύμπαντασ ἐμπύουσ γιγνώσκειν χρὴ τοισίδε τοῖσι σημείοισι. Πρῶτον μὲν, ὁ πυρετὸσ οὐκ ἀφίησιν, ἀλλὰ τὴν μὲν ἡμέρην λεπτὸσ ἴσχει, τὴν δὲ νύκτα πλείων, καὶ ἱδρῶτεσ πολλοὶ ἐπιγίγνονται, βῆξαί τε θυμὸσ ἐγγίγνεται αὐ ισιν, καὶ ἀποπτύουσιν οὐδὲν ἄξιον λόγου, καὶ οἱ μὲν ὀφθαλμοὶ ἔ κοιλοι γίγνονται, αἱ δὲ γνάθοι ἐρυθήματα ἴσχουσι, καὶ οἱ μὲν ὄνυχεσ τῶν χειρῶν γρυποῦνται, οἱ δὲ δάκτυλοι θερμαίνονται, καὶ μάλιστα οἱ ἄκροι, καὶ ἐν τοῖσι ποσὶν οἰδήματα γίγνεται, καὶ σιτίων οὐκ ἐπιθυμέουσι, καὶ φλύκταιναι γίγνονται ἀνὰ τὸ σῶμα. Ὁκόσα μὲν οὖν ἐγχρονίζει τῶν ἐμπυημάτων, ἔχει τὰ σημεῖα ταῦτα, καὶ πιστεύειν αὐτέοισι χρὴ κάρτα‧ ὁκόσα δὲ ὀλιγοχρόνιά ἐστι, τουτέοισιν ἐπισημαίνεται, ἤν τι ἐπιφαίνηται, οἱᾶ καὶ τοῖσιν ἐν ἀρχῇσι γιγνομένοισιν, ἅμα δὲ καὶ ἤν τι δυσπνούστεροσ ᾖ ὁ ἄνθρωποσ. Τὰ δὲ ταχύτερον αὐτέων καὶ βραδύτερον Ῥηγνύμενα τοισίδε γιγνώσκειν χρή‧ ἢν μὲν ὁ πόνοσ ἐν ἀρχῇσι γίγνηται, καὶ ἡ δύσπνοια καὶ ἡ βὴξ καὶ ὁ πτυαλισμὸσ διατείνῃ, ἐσ τὰσ εἴκοσιν ἡμέρασ προσδέχεσθαι τὴν Ῥῆξιν, ἢ καὶ ἔτι πρόσθεν‧ ἢν δὲ ἡσυχαίτεροσ ὁ πόνοσ ᾖ, καὶ τἄλλα πάντα κατὰ λόγον, τουτέοισι προσδέχεσθαι τὴν Ῥῆξιν ἐσ ὕστερον‧ γίγνεσθαι δὲ ἀνάγκη καὶ πόνον καὶ δύσπνοιαν καὶ πτυαλισμὸν πρὸ τῆσ τοῦ πύου Ῥήξιοσ. Περιγίγνονται δὲ τουτέων μάλιστα μὲν οὕσ ἂν ἀφῇ ὁ πυρετὸσ αὐθημερὸν μετὰ τὴν Ῥῆξιν, καὶ σιτίων ταχέωσ ἐπιθυμέωσι, καὶ δίψησ ἀπηλλαγμένοι ἐώσι, καὶ ἡ γαστὴρ σμικρά τε καὶ ξυνεστηκότα ὑποχωρέῃ, καὶ τὸ πῦον λευκόν τε καὶ λεῖον καὶ ὁμόχροον ᾖ καὶ φλέγματοσ ἀπηλλαγμένον, καὶ ἄτερ πόνου τε καὶ βηχὸσ ἰσχυρῆσ ἀνακαθαίρηται. Ἄριστα μὲν οὕτω καὶ τάχιστα ἀπαλλάσσουσιν‧ ἢν δὲ μὴ, οἷσιν ἂν ἐγγυτάτω τουτέων γίγνηται. Ἀπόλλυνται δὲ οὓσ ἂν ὅ τε πυρετὸσ μὴ ἀφῇ, ἢ δοκέων αὐτέουσ ἀφιέναι, αὖθισ φαίνηται ἀναθερμαινόμενοσ, καὶ δίψαν μὲν ἔχωσι, σιτίων δὲ μὴ ἐπιθυμέωσι, καὶ ἡ κοιλίη ὑγρὴ ᾖ, καὶ τὸ πῦον χλωρὸν ἢ πελιὸν πτύῃ, ἢ φλεγματῶδεσ καὶ ἀφρῶδεσ‧ ἢν ταῦτα πάντα γίγνηται, ἀπόλλυνται‧ ὁκόσοισι δ’ ἂν τουτέων τὰ μὲν ἐπιγένηται, τὰ δὲ μὴ, οἱ μὲν αὐτέων ἀπόλλυνται, οἱ δὲ ἐν πολλῷ χρόνῳ περιγίγνονται. Ἀλλ’ ἐκ πάντων τῶν τεκμηρίων τῶν ἐόντων ἐν τουτέοισι σημαίνεσθαι, καὶ τοῖσιν ἄλλοισι πᾶσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., PROGNWSTIKON, 17.

(히포크라테스, Oeuvres Completes D'Hippocrate., PROGNWSTIKON, 17.)

상위

목록

SEARCH

MENU NAVIGATION