Hippocrates, Oeuvres Completes D'Hippocrate., PROGNWSTIKON, 15.

(히포크라테스, Oeuvres Completes D'Hippocrate., PROGNWSTIKON, 15.)

Ὁκόσα δὲ τῶν ἀλγημάτων ἐκ τουτέων τῶν χωρίων μὴ παύηται, μήτε πρὸσ τὰσ τῶν πτυέλων καθάρσιασ, μήτε πρὸσ τὴν τῆσ κοιλίησ ἐκκόπρωσιν, μήτε πρὸσ τὰσ φλεβοτομίασ τε καὶ φαρμακείασ καὶ διαίτασ, εἰδέναι δεῖ ἐκπυήσοντα. Τῶν δὲ ἐκπυημάτων ὁκόσα μὲν ἔτι χολώδεοσ ἐόντοσ τοῦ πτυέλου ἐκπυί̈σκεται, ὀλέθρια κάρτα, ἤν τε ἐν μέρει τὸ χολῶδεσ τῷ πύῳ ἀναπτύοιτο, ἤν τε ὁμοῦ‧ μάλιστα δὲ, ἢν ἄρξηται χωρέειν τὸ ἐμπύημα ἀπὸ τουτέου τοῦ πτυέλου, ἑβδομαίου ἐόντοσ τοῦ νουσήματοσ. Ἐλπὶσ δὲ τὸν τὰ τοιαῦτα πτύοντα ἀποθανεῖσθαι τεσσαρεσκαιδεκαταῖον, ἢν μή τι αὐτέῳ ἐπιγένηται ἀγαθόν. Ἔστι δὲ τὰ μὲν ἀγαθὰ τάδε‧ εὐπετέωσ φέρειν τὸ νούσημα, εὔπνοον εἶναι, τῆσ ὀδύνησ ἀπηλλάχθαι, τό τε πτύελον Ῥηϊδίωσ ἀναβήσσειν, τό τε σῶμα ὁμαλῶσ φαίνεσθαι θερμόν τε εἶναι καὶ μαλθακὸν, καὶ δίψαν μὴ ἔχειν, οὖρά τε καὶ διαχωρήματα καὶ ὕπνουσ καὶ ἱδρῶτασ, ὡσ διαγέγραπται ἕκαστα εἶναι ἀγαθὰ, ἐπιγίγνεσθαι‧ οὕτω μὲν γὰρ ἁπάντων τουτέων ἐπιγιγνομένων, οὐκ ἂν ἀποθάνοι ὁ ἄνθρωποσ‧ ἢν δὲ τὰ μέν τοι αὐτέων ἐπιγίγνοιτο, τὰ δὲ μὴ, οὐ πλείονα χρόνον ζήσασ ἢ τεσσαρεσκαίδεκα ἡμέρασ, ἀπόλοιτ’ ἂν ὁ ἄνθρωποσ. Κακὰ δὲ τὰ ἐναντία τουτέων, ἤγουν δυσπετέωσ φέρειν τὴν νοῦσον, πνεῦμα μέγα καὶ πυκνὸν εἶναι, τὴν ὀδύνην μὴ παύεσθαι, τὸ πτύελον μόλισ ἀναβήσσειν, διψῇν κάρτα, τό τε σῶμα ὑπὸ πυρὸσ ἀνωμάλωσ ἔχεσθαι, καὶ τὴν μὲν κοιλίην καὶ τὰσ πλευρὰσ θερμὰσ εἶναι ἰσχυρῶσ, τὸ δὲ μέτωπον καὶ τὰσ χεῖρασ καὶ τοὺσ πόδασ ψυχροὺσ, οὖρα δὲ καὶ διαχωρήματα καὶ ὕπνουσ καὶ ἱδρῶτασ, ὡσ διαγέγραπται ἕκαστα εἶναι κακὰ, ἐπιγίγνεσθαι‧ οὕτω γὰρ εἰ ἐπιγένοιτό τι τῷ πτυέλῳ τουτέῳ, ἀπόλοιτο ἂν ὁ ἄνθρωποσ πρὶν ἢ ἐσ τὰσ τεσσαρεσκαίδεκα ἡμέρασ ἀφικέσθαι, ἢ ἐναταῖοσ, ἢ ἑνδεκαταῖοσ. Οὕτωσ οὖν ξυμβάλλεσθαι χρὴ, ὡσ τοῦ πτυέλου τουτέου θανατώδεοσ ἐόντοσ μάλα, καὶ οὐ φθάνοντοσ ἐσ τὰσ τεσσαρεσκαίδεκα ἡμέρασ. Τὰ δὲ ἐπιγενόμενα κακά τε καὶ ἀγαθὰ ξυλλογιζόμενον ἐκ τουτέων χρὴ τὰσ προῤῬήσιασ προλέγειν‧ οὕτω γὰρ ἄν τισ ἀληθεύοι μάλιστα. Αἱ δὲ ἄλλαι ἐκπυήσιεσ Ῥήγνυνται αἱ πλεῖσται, αἱ μὲν εἰκοσταῖαι, αἱ δὲ τριηκοσταῖαι, αἱ δὲ τεσσαρακονθήμεροι, αἱ δὲ πρὸσ τὰσ ἑξήκοντα ἡμέρασ ἀφικνέονται.

일치하는 문장이 없습니다.

SEARCH

MENU NAVIGATION