헬라어 문장 검색 - Ηιπποξ́Οευϝρεσ́09́15́0́

(히포크라테스, Oeuvres Completes D'Hippocrate., PROGNWSTIKON, 15.)

Ὁκόσα δὲ τῶν ἀλγημάτων ἐκ τουτέων τῶν χωρίων μὴ παύηται, μήτε πρὸσ τὰσ τῶν πτυέλων καθάρσιασ, μήτε πρὸσ τὴν τῆσ κοιλίησ ἐκκόπρωσιν, μήτε πρὸσ τὰσ φλεβοτομίασ τε καὶ φαρμακείασ καὶ διαίτασ, εἰδέναι δεῖ ἐκπυήσοντα. Τῶν δὲ ἐκπυημάτων ὁκόσα μὲν ἔτι χολώδεοσ ἐόντοσ τοῦ πτυέλου ἐκπυί̈σκεται, ὀλέθρια κάρτα, ἤν τε ἐν μέρει τὸ χολῶδεσ τῷ πύῳ ἀναπτύοιτο, ἤν τε ὁμοῦ‧ μάλιστα δὲ, ἢν ἄρξηται χωρέειν τὸ ἐμπύημα ἀπὸ τουτέου τοῦ πτυέλου, ἑβδομαίου ἐόντοσ τοῦ νουσήματοσ. Ἐλπὶσ δὲ τὸν τὰ τοιαῦτα πτύοντα ἀποθανεῖσθαι τεσσαρεσκαιδεκαταῖον, ἢν μή τι αὐτέῳ ἐπιγένηται ἀγαθόν. Ἔστι δὲ τὰ μὲν ἀγαθὰ τάδε‧ εὐπετέωσ φέρειν τὸ νούσημα, εὔπνοον εἶναι, τῆσ ὀδύνησ ἀπηλλάχθαι, τό τε πτύελον Ῥηϊδίωσ ἀναβήσσειν, τό τε σῶμα ὁμαλῶσ φαίνεσθαι θερμόν τε εἶναι καὶ μαλθακὸν, καὶ δίψαν μὴ ἔχειν, οὖρά τε καὶ διαχωρήματα καὶ ὕπνουσ καὶ ἱδρῶτασ, ὡσ διαγέγραπται ἕκαστα εἶναι ἀγαθὰ, ἐπιγίγνεσθαι‧ οὕτω μὲν γὰρ ἁπάντων τουτέων ἐπιγιγνομένων, οὐκ ἂν ἀποθάνοι ὁ ἄνθρωποσ‧ ἢν δὲ τὰ μέν τοι αὐτέων ἐπιγίγνοιτο, τὰ δὲ μὴ, οὐ πλείονα χρόνον ζήσασ ἢ τεσσαρεσκαίδεκα ἡμέρασ, ἀπόλοιτ’ ἂν ὁ ἄνθρωποσ. Κακὰ δὲ τὰ ἐναντία τουτέων, ἤγουν δυσπετέωσ φέρειν τὴν νοῦσον, πνεῦμα μέγα καὶ πυκνὸν εἶναι, τὴν ὀδύνην μὴ παύεσθαι, τὸ πτύελον μόλισ ἀναβήσσειν, διψῇν κάρτα, τό τε σῶμα ὑπὸ πυρὸσ ἀνωμάλωσ ἔχεσθαι, καὶ τὴν μὲν κοιλίην καὶ τὰσ πλευρὰσ θερμὰσ εἶναι ἰσχυρῶσ, τὸ δὲ μέτωπον καὶ τὰσ χεῖρασ καὶ τοὺσ πόδασ ψυχροὺσ, οὖρα δὲ καὶ διαχωρήματα καὶ ὕπνουσ καὶ ἱδρῶτασ, ὡσ διαγέγραπται ἕκαστα εἶναι κακὰ, ἐπιγίγνεσθαι‧ οὕτω γὰρ εἰ ἐπιγένοιτό τι τῷ πτυέλῳ τουτέῳ, ἀπόλοιτο ἂν ὁ ἄνθρωποσ πρὶν ἢ ἐσ τὰσ τεσσαρεσκαίδεκα ἡμέρασ ἀφικέσθαι, ἢ ἐναταῖοσ, ἢ ἑνδεκαταῖοσ. Οὕτωσ οὖν ξυμβάλλεσθαι χρὴ, ὡσ τοῦ πτυέλου τουτέου θανατώδεοσ ἐόντοσ μάλα, καὶ οὐ φθάνοντοσ ἐσ τὰσ τεσσαρεσκαίδεκα ἡμέρασ. Τὰ δὲ ἐπιγενόμενα κακά τε καὶ ἀγαθὰ ξυλλογιζόμενον ἐκ τουτέων χρὴ τὰσ προῤῬήσιασ προλέγειν‧ οὕτω γὰρ ἄν τισ ἀληθεύοι μάλιστα. Αἱ δὲ ἄλλαι ἐκπυήσιεσ Ῥήγνυνται αἱ πλεῖσται, αἱ μὲν εἰκοσταῖαι, αἱ δὲ τριηκοσταῖαι, αἱ δὲ τεσσαρακονθήμεροι, αἱ δὲ πρὸσ τὰσ ἑξήκοντα ἡμέρασ ἀφικνέονται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Oeuvres Completes D'Hippocrate., PROGNWSTIKON, 15.

(히포크라테스, Oeuvres Completes D'Hippocrate., PROGNWSTIKON, 15.)

상위

목록

SEARCH

MENU NAVIGATION