Flavius Josephus, Antiquitates Judaicae, Book 14 210:

ταῦθ’ Ὑρκανὸσ ἀκούων οὐκ ἐφρόντιζεν, ἐν δέει δὲ ἦσαν οἱ πρῶτοι τῶν Ιοὐδαίων ὁρῶντεσ τὸν Ἡρώδην βίαιον καὶ τολμηρὸν καὶ τυραννίδοσ γλιχόμενον· καὶ προσελθόντεσ Ὑρκανῷ φανερῶσ ἤδη κατηγόρουν Ἀντιπάτρου, καί "μέχρι πότε, ἔφασαν, ἐπὶ τοῖσ πραττομένοισ ἡσυχάσεισ; ἦ οὐχ ὁρᾷσ Ἀντίπατρον μὲν καὶ τοὺσ παῖδασ αὐτοῦ τὴν ἀρχὴν διεζωσμένουσ, σαυτὸν μέντοι τῆσ βασιλείασ ὄνομα μόνον ἀκούοντα;