Flavius Josephus, Antiquitates Judaicae, Book 10 199:

ὁ δὲ προφήτησ οὔθ’ ἕπεσθαι ἤθελεν οὔτ’ ἀλλαχόσε που μένειν, ἡδέωσ δ’ εἶχεν ἐπὶ τοῖσ ἐρειπίοισ τῆσ πατρίδοσ καὶ τοῖσ ταλαιπώροισ αὐτῆσ διαζῆσαι λειψάνοισ. γνοὺσ δ’ αὐτοῦ τὴν προαίρεσιν ὁ στρατηγόσ, τῷ Γαδαλίᾳ προστάξασ, ὃν κατέλιπεν, αὐτίκα πᾶσαν αὐτοῦ ποιεῖσθαι πρόνοιαν καὶ χορηγίαν ὅσων ἂν δέηται δωρησάμενόσ τε αὐτὸν δωρεαῖσ πολυτελέσιν ἀπέλυσεν.