Flavius Josephus, Antiquitates Judaicae, Book 7 415:

Καλέσασ δὲ τὸν παῖδα Σολόμωνα κατασκευάσαι τῷ θεῷ ναὸν αὐτὸν ἐκέλευε διαδεξάμενον τὴν βασιλείαν λέγων, ὡσ αὐτὸν βουλόμενον κωλύσειεν ὁ θεὸσ αἵματι καὶ πολέμοισ πεφυραμένον, προείποι δ’ ὅτι Σολόμων οἰκοδομήσει αὐτῷ παῖσ νεώτατοσ καὶ τοῦτο κληθησόμενοσ τοὔνομα, οὗ προνοήσειν μὲν αὐτὸσ ὡσ πατὴρ ἐπηγγέλλετο, τὴν δ’ Ἑβραίων χώραν εὐδαίμονα καταστήσειν ἐπ’ αὐτοῦ τοῖσ τε ἄλλοισ ἀγαθοῖσ καὶ δὴ καὶ τῷ μεγίστῳ πάντων εἰρήνῃ καὶ πολέμων ἀπαλλαγῇ καὶ στάσεων ἐμφυλίων.