Flavius Josephus, Antiquitates Judaicae, Book 6 218:

Χρόνοισ δ’ ὕστερον οὐ πολλοῖσ οἱ Παλαιστῖνοι πάλιν συνελθόντεσ καὶ δύναμιν ἀθροίσαντεσ μεγάλην ἐπίασι τοῖσ Ἰσραηλίταισ καὶ μεταξὺ Σωκοῦσ καὶ Ἀζηκοῦσ καταλαμβανόμενοι στρατοπεδεύονται. ἀντεπεξάγει δ’ αὐτοῖσ τὴν στρατιὰν καὶ Σαοῦλοσ καὶ ἐπί τινοσ ὄρουσ στρατοπεδευσάμενοσ ἀναγκάζει τοὺσ Παλαιστίνουσ τὸ μὲν πρῶτον στρατόπεδον καταλιπεῖν, ὁμοίωσ δ’ ἐπί τινοσ ὄρουσ ἀντικρὺ τοῦ καταληφθέντοσ ὑπὸ τοῦ Σαούλου στρατοπεδεύσασθαι.