Flavius Josephus, Antiquitates Judaicae, Book 5 416:

καὶ γὰρ ἤδη καλῶσ τὰ κατ’ αὐτὴν ἐπυνθάνετο χωρεῖν. οὐκ ἐκαρτέρουν δὲ διαζευγνύμεναι αὐτῆσ αἱ νύμφαι, οὐδὲ παραιτουμένη βουλομένασ συνεξορμᾶν πείθειν ἐδύνατο, ἀλλ’ ἐγκειμένων εὐξαμένη γάμον εὐτυχέστερον αὐταῖσ οὗ διημαρτήκεσαν παισὶ τοῖσ αὐτῆσ γαμηθεῖσαι καὶ τῶν ἄλλων ἀγαθῶν κτῆσιν, ὅτε τὰ πρὸσ αὐτὴν οὕτωσ ἐστί, μένειν αὐτόθι παρεκάλει καὶ μὴ συμμεταλαμβάνειν αὐτῇ βούλεσθαι πραγμάτων ἀδήλων τὴν πάτριον γῆν καταλιπούσασ.