Dionysius of Halicarnassus, Antiquitates Romanae, Books X-XX, book 13, chapter 6 2:

ὑπήκουσαν δὲ αὐτοῦ ταῖσ εὐχαῖσ οἱ θεοί, καὶ ὑπὸ Κελτῶν μετὰ μικρὸν ἡ πόλισ ἑάλω ἄνευ τοῦ Καπιτωλίου. καταφυγόντων δὲ ἐν αὐτῷ τῶν περιφανεστέρων ‐ τὸ γὰρ ἄλλο πλῆθοσ ἐν ταῖσ Ἰταλικαῖσ φεῦγον διεσπάρη πόλεσι ‐ καὶ πολιορκουμένων ὑπὸ Κελτῶν, οἳ παρὰ τὴν Οὐιεντανῶν πόλιν καταφυγόντεσ Ῥωμαῖοι Καιδίκιόν τινα στρατοπεδάρχην ποιοῦσιν· ὁ δὲ Κάμιλλον ἀποδείκνυσι καὶ ταῦτ’ ἀπόντα ἡγεμόνα πολέμου καὶ εἰρήνησ ἐξουσίαν ἔχοντα αὐτοκράτορα.