호흡부호 보기
강세부호 보기
장단부호 보기
작은 Iota 보기
모든 부호 보기
ἡ δὲ αἰτία τῆσ εἰσ Ἰταλίαν τῶν Κελτῶν ἀφίξεωσ τοιάδε ἦν. Λοκόμων τισ Τυρρηνῶν ἡγεμὼν μέλλων τελευτᾶν τὸν βίον ἀνδρὶ πιστῷ Ἄρροντι ὄνομα παρακατέθετο τὸν υἱὸν ἐπιτροπεύειν· τελευτήσαντοσ δὲ τοῦ Τυρρηνοῦ παραλαβὼν τὴν ἐπιμέλειαν τοῦ παιδίου ὁ Ἄρρων ἐπιμελὴσ καὶ δίκαιοσ γέγονε τῆσ πίστεωσ φύλαξ, καὶ εἰσ ἄνδρασ ἐλθόντι πᾶσαν ἀπέδειξε τῷ παιδὶ τὴν καταλειφθεῖσαν ὑπὸ τοῦ πατρὸσ οὐσίαν. ἀνθ’ ὧν οὐχ ὁμοίασ ἐκομίσατο παρὰ τοῦ μειρακίου χάριτασ. οὔσησ γὰρ αὐτῷ γυναικὸσ εὐμόρφου καὶ νέασ, ἧσ περὶ πλείστου τὴν κοινωνίαν ἐποιεῖτο, σώφρονοσ τὸν ἄλλον χρόνον ἅπαντα γενομένησ ἐρασθεὶσ ὁ νεανίσκοσ ἅμα τῷ σώματι καὶ τὴν διάνοιαν τῆσ ἀνθρώπου διέφθειρεν, καὶ οὐκέτι κρύβδα, ἀλλ’ ἀναφανδὸν ἐζήτει αὐτῇ διαλέγεσθαι.
ἀχθόμενοσ δὴ ὁ Ἄρρων τῷ ἀποσπασμῷ τῆσ γυναικὸσ καὶ ἐφ’ οἷσ ὑβρίζετο πρὸσ ἀμφοτέρων δυσανασχετῶν, τιμωρίαν δὲ οὐ δυνάμενοσ παρ’ αὐτῶν λαβεῖν, ἀποδημίαν ἐστείλατο πρόφασιν αὐτῆσ ποιησάμενοσ ἐμπορίαν. ἀσμένωσ δὲ τοῦ νεανίσκου τὴν ἀπαλλαγὴν αὐτοῦ δεξαμένου καὶ παρασχόντοσ ὅσων εἰσ τὴν ἐμπορίαν ἐδεῖτο, πολλοὺσ μὲν ἀσκοὺσ οἴνου τε καὶ ἐλαίου ταῖσ ἁμάξαισ ἐπιθέμενοσ, πολλοὺσ δὲ φορμοὺσ σύκων ἦγεν εἰσ τὴν Κελτικήν.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기