헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 13, chapter 2)

ὁ δὲ Κάμιλλοσ εἰσ φυλακὴν παραδιδοὺσ τὸν γραμματιστὴν καὶ τοὺσ παῖδασ ἐπιστέλλει τῇ βουλῇ διὰ γραμμάτων τὰ γενόμενα καὶ τί χρὴ ποιεῖν ἤρετο. ἐπιτρέψαντοσ δ’ αὐτῷ τοῦ συνεδρίου πράττειν, ὅ τι ἂν αὐτῷ φαίνηται κράτιστον, προαγαγὼν ἐκ τοῦ στρατοπέδου τὸν γραμματιστὴν ἅμα τοῖσ παισὶ καὶ οὐ μακρὰν ἀπὸ τῶν πυλῶν τὸ στρατηγικὸν βῆμα προστάξασ τεθῆναι, πολλοῦ συνδραμόντοσ ὄχλου, τοῦ μὲν ἐπὶ τὰ τείχη, τοῦ δ’ ἐπὶ τὰσ πύλασ, πρῶτον μὲν ἐδήλωσε τοῖσ Φαλίσκοισ, οἱᾶ ὁ γραμματιστὴσ εἰσ αὐτοὺσ ἐτόλμησε παρανομεῖν·

ἔπειτα περικαταρρῆξαι τὴν ἐσθῆτα τοῦ ἀνδρὸσ ἐκέλευσε τοῖσ ὑπηρέταισ καὶ ξαίνειν τὸ σῶμα μάστιξι πάνυ πολλαῖσ. ὡσ δὲ ταύτησ ἅλισ εἶχε τῆσ τιμωρίασ, ῥάβδουσ τοῖσ παισὶν ἀναδοὺσ ἀπάγειν αὐτὸν ἐκέλευσεν εἰσ τὴν πόλιν δεδεμένον τὼ χεῖρε ὀπίσω παίοντάσ τε καὶ πάντα τρόπον αἰκιζομένουσ. κομισάμενοι δὲ τοὺσ παῖδασ οἱ Φαλίσκοι καὶ τὸν γραμματιστὴν ἀξίωσ τῆσ κακῆσ διανοίασ τιμωρησάμενοι παρέδοσαν τῷ Καμίλλῳ τὴν πόλιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 13, chapter 2

(디오니시오스, Antiquitates Romanae, Books X-XX, book 13, chapter 2)

상위

목록

SEARCH

MENU NAVIGATION