헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 13, chapter 5)

μετ’ οὐ πολὺ δὲ οἱ δήμαρχοι Καμίλλῳ φθονήσαντεσ ἐκκλησίαν κατ’ αὐτοῦ συνήγαγον καὶ ἐζημίωσαν αὐτὸν δέκα μυριάσιν ἀσσαρίων, οὐκ ἀγνοοῦντεσ, ὅτι πολλοστόν τι μέροσ ὁ βίοσ ἦν αὐτῷ τοῦ κατακρίματοσ, ἀλλ’ ἵν’ ἀπαχθεὶσ εἰσ τὸ δεσμωτήριον ὑπὸ τῶν δημάρχων ἀσχημονήσῃ ὁ τοὺσ ἐπιφανεστάτουσ κατορθώσασ πολέμουσ. τὸ μὲν οὖν ἀργύριον οἱ πελάται τε καὶ συγγενεῖσ αὐτοῦ συνεισενέγκαντεσ ἐκ τῶν ἰδίων χρημάτων ἀπέδοσαν, ὥστε μηδεμιᾶσ πειραθῆναι ὕβρεωσ, ὁ δ’ ἀνὴρ ἀφόρητον ἡγούμενοσ τὸν προπηλακισμὸν ἐκχωρεῖν ἔγνω τῆσ πόλεωσ. γενόμενοσ δὲ πλησίον τῶν πυλῶν καὶ τοὺσ παρόντασ ἀσπασάμενοσ ὀλοφυρομένουσ καὶ δακρύοντασ, οἱού στέρεσθαι μέλλοιεν ἀνδρόσ, πολλὰ κατὰ τῶν παρειῶν ἀφεὶσ δάκρυα καὶ τὴν κατασχοῦσαν αὐτὸν ἀσχημοσύνην ἀνακλαυσάμενοσ, εἶπεν·

ὦ θεοὶ καὶ δαίμονεσ, ἔφοροι τῶν ἀνθρωπίνων ἔργων, ὑμᾶσ ἀξιῶ δικαστὰσ γενέσθαι μοι τῶν τε πρὸσ τὴν πατρίδα πολιτευμάτων καὶ παντὸσ τοῦ παρεληλυθότοσ βίου· ἔπειτ’, ἐὰν μὲν ἔνοχον εὑρ́ητέ με ταῖσ αἰτίαισ, ἐφ’ αἷσ ὁ δῆμοσ κατεψηφίσατό μου, πονηρὰν καὶ ἀσχήμονα τελευτὴν δοῦναι τοῦ βίου, ἐὰν δ’ ἐν ἅπασιν, οἷσ ἐπιστεύθην ὑπὸ τῆσ πατρίδοσ ἐν εἰρήνῃ τε καὶ κατὰ πολέμουσ, εὐσεβῆ καὶ δίκαιον καὶ πάσησ ἀσχήμονοσ ὑποψίασ καθαρόν, τιμωροὺσ γενέσθαι μοι, τοιούτουσ ἐπιστήσαντασ τοῖσ ἠδικηκόσι κινδύνουσ καὶ φόβουσ, δι’ οὓσ ἀναγκασθήσονται μηδεμίαν ἄλλην ἐλπίδα σωτηρίασ ὁρῶντεσ ἐπ’ ἐμὲ καταφυγεῖν.

ταῦτ’ εἰπὼν εἰσ πόλιν Ἀρδέαν ᾤχετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 13, chapter 5

(디오니시오스, Antiquitates Romanae, Books X-XX, book 13, chapter 5)

상위

목록

SEARCH

MENU NAVIGATION