Dio, Chrysostom, Orationes, ΡΟΔΙΑΚΟΣ. 23:

τοῦτο ἦν τὸ ποιῆσαν Λακεδαιμονίων τινὰσ ἐν τοῖσ στενοῖσ ἀντιτάξασθαι πρὸσ τοσαύτασ Περσῶν μυριάδασ. τοῦτο ἐποίησε τοὺσ ὑμετέρουσ προγόνουσ ἅπασαν γῆν καὶ θάλατταν ἐμπλῆσαι τροπαίων καὶ τῆσ λοιπῆσ Ἑλλάδοσ τρόπον τινὰ ἐσβεσμένησ μόνουσ ὑμᾶσ ἐφ’ αὑτοῖσ διαφυλάξαι τὸ κοινὸνἀξίωμα τῶν Ἑλλήνων εἰσ τὸν νῦν παρόντα χρόνον. ὅθεν εἰκότωσ μοι δοκεῖτε μεῖζον ἁπάντων ἐκείνων φρονεῖν.