Dio, Chrysostom, Orationes, ΤΑΡΣΙΚΟΣ ΠΡΩΤΟΣ. 11:

σκοπεῖτε δὲ τὸ πρᾶγμα οἱο͂́ν ἐστιν. Ἀθηναῖοι γὰρ εἰωθότεσ ἀκούειν κακῶσ, καὶ νὴ Δία ἐπ’ αὐτὸ τοῦτο συνιόντεσ εἰσ τὸ θέατρον ὡσ λοιδορηθησόμενοι, καὶ προτεθεικότεσ ἀγῶνα καὶ νίκην τοῖσ ἄμεινον αὐτὸ πράττουσιν, οὐκ αὐτοὶ τοῦτο εὑρόντεσ, ἀλλὰ τοῦ θεοῦ συμβουλεύσαντοσ, Ἀριστοφάνουσ μὲν ἤκουον καὶ Κρατίνου καὶ Πλάτωνοσ, καὶ τούτουσ οὐδὲν κακὸν ἐποίησαν. ἐπεὶ δὲ Σωκράτησ ἄνευ σκηνῆσ καὶ ἰκρίων ἐποίει τὸ τοῦ θεοῦ πρόσταγμα, οὐ κορδακίζων οὐδὲ τερετίζων, οὐχ ὑπέμειναν.