Dio, Chrysostom, Orationes, πρὸσ ΑΛΕΞΑΝΔΡΕΙΣ. 36:

ὁμοίωσ δὲ καὶ δῆμοσ ὁμέν τισ εὐγνώμων καὶ πρᾷοσ καὶ γαληνὸσ ὄντωσ, οἱο͂σ γεύσασθαι παρρησίασ καὶ μὴ πάντα ἐθέλειν τρυφᾶν, ἐπιεικήσ, μεγαλόφρων, αἰδούμενοσ τοὺσ ἀγαθοὺσ καὶ ἄνδρασ καὶ λόγουσ, τοῖσ νουθετοῦσι καὶ διδάσκουσι χάριν εἰδώσ· ὃν ἐγὼ τίθημι τῆσ θείασ καὶ βασιλικῆσ φύσεωσ, καὶ προσιέναι φημὶ καὶ διαλέγεσθαι τούτῳ πρέπειν,καθάπερ ἵππον γενναῖον ἐξ ἡνίασ εὐτελοῦσ πρᾴωσ ἄγοντα, οὐδὲν δεόμενον ψαλίων.